web counter
LEXO PA REKLAMA!

SHKARKO APP

App Store
Google Play

E fundit!

x

"SPAK pavarësi në luftën me krimin dhe korrupsionin"/ Draft raporti i Komisionit Europian

16 Qershor 2025, 21:04, Aktualitet CNA

"SPAK pavarësi në luftën me krimin dhe korrupsionin"/

Komisioni Europian ka përpiluar një draft raport në lidhje me sundimin e ligjit, firmosur më 9 qershor.

Në draft raportin që flitet për sistemin e drejtësisë, institucioni më i vlerësuar është SPAK-u.

Sipas draft raportit të Komisionit Europian, Prokuroria e Posaçme vijoi në konsolidimin e rezultateve pozitive në luftën kundër korrupsionit.

Gjithashtu në draft raport thuhet se SPAK shfaq një vizion strategjik të qendrueshëm dhe është i pavarur në kontributin e tij në luftën kundër korrupsionit.

Komisioni Europian thotë në draft raport se pavarësisht presionit të shtuar politik dhe grupeve të krimit të organizuar, SPAK vijon luftën e tij antikorrupsion.

“SPAK-u vazhdoi të konsolidojë rezultatet e tij pozitive në luftën kundër korrupsionit të nivelit të lartë, ndonëse mbeten disa mungesa në lidhje me stafin dhe infrastrukturën. Struktura e Posaçme Kundër Korrupsionit (SPAK) dhe gjykatat kundër korrupsionit dhe krimit të organizuar, kanë dhënë rezultate pozitive në hetimin, ndjekjen penale dhe gjykimin e çështjeve të korrupsionit, përfshirë ato që përfshijnë politikanë dhe zyrtarë të lartë, si dhe në mbrojtjen e interesave financiare të BE-së. SPAK shfaq vizion strategjik të qëndrueshëm dhe pavarësi në kontributin e tij në luftën kundër korrupsionit të nivelit të lartë, pavarësisht presionit të shtuar politik, grupeve të krimit të organizuar dhe medias. Rritja e vazhdueshme e ngarkesës së punës për SPAK-un dhe mungesa e stafit dhe infrastrukturës vazhdojnë të jenë çështje që duhen adresuar. Numri i referimeve te SPAK-u nga autoritetet e tjera ka rënë më tej dhe mbetet i ulët”, thuhet në draft raport./  CNA





Lajmet e fundit nga