web counter
LEXO PA REKLAMA!

SHKARKO APP

App Store
Google Play

E fundit!

x

"Ata që vrasin fëmijë nuk janë burra"/ Apeli i fortë i Begninit për luftën

15 Qershor 2025, 11:44, Aktualitet CNA

"Ata që vrasin fëmijë nuk janë burra"/ Apeli i

Aktori dhe regjisori i njohur italian dhe fitues i çmimit Oscar, Roberto Benigni ka bërë një apel të fuqishëm kundër luftës dhe u është drejtuar me fjalë të ashpra atyre që vazhdojnë të shkaktojnë vdekje.

Fituesi i çmimit Oscar foli për konfliktin në Gaza, luftën në Ukrainë dhe tragjeditë në Mesdhe, duke u shprehur se “ata që nuk e ndiejnë dhimbjen e botës, nuk janë njerëz”.

Ai vijoi më tej me fjalimin e tij mbi dramën e luftës, duke thënë se të vrasësh fëmijë nuk është burrëri, por frikacakëri.

“Ata që vrasin fëmijë, nuk janë burra, kur fëmijët luajnë dhe njëri prej tyre gërvishtet, ata ndalen. Por këtu ata në të vërtetë vazhdojnë të vrasin. Është frikacakëri”, tha Benini.

 

Benigni u shprehur se nuk ka nëj BE vërtet të bashkuar,sepse nëse do të kishtëe disa luftëra mund të ishin ndaluar.

“Nuk ka një Bashkim të vërtetë, vërtet të bashkuar. Nëse do të kishte pasur, ndoshta disa luftëra mund të ishin shmangur”, deklaroi ai.

 

Aktori i njohur kujtoi gjithashtu fjalët e Joe Biden, i cili një ditë pas 7 tetorit 2023, i kishte kërkuar Izraelit të mos i përgjigjej tmerrit me më shumë tmerr. Fjalë që, thekson Benigni, kanë mbetur të padëgjuara.

Apeli i tij ishte gjithashtu një ftesë për t’ju rikthyer frymës së Manifestit të Ventotenes, një simbol i unitetit dhe paqes evropiane pas Luftës së Dytë Botërore dhe ëndrrës evropiane si një projekt paqeje dhe demokracie.

 

“Ne jemi të gjithë i njëjti trup. Nuk mund të heshtim përballë kësaj dhimbjeje”, u shpreh aktori.





Lajmet e fundit nga