web counter
LEXO PA REKLAMA!

SHKARKO APP

App Store
Google Play

Në Shqipërinë e Ramës të tre mediat kombëtare janë investitore strategjike

13 Qershor 2025, 20:29, Aktualitet CNA

Në Shqipërinë e Ramës të tre mediat kombëtare

Gazetari Klodian Tomorri ka deklaruar se në 4 televizione kombëtare që ka Shqipëria, tre tashmë janë bërë investitore strategjike.

Tomorri, ka reaguar në lidhje me faktin se së fundi, qeveria bëri me status strategjik edhe pronaren e Top Channel, Lori Hoxha.

Gazetari thekson se Rama po blen mediat me statuse strategjike dhe koncesione.

“Shqipëria ka 4 televizione kombëtare. Tre private dhe RTSH. Të tre televizionet kombëtare tashmë janë investitore strategjike. Kurse RTSH është strategjik e shkuar strategjikut.

E para nga mediat që u bë investitor strategjik ishte Vizion Plus me resorte në Gjirin e Lalzit dhe në Jug.

Pastaj i erdhi radha, TV Klan, ndonëse këtij në mënyrë indirekte. Bëhet fjalë për projektin Ëhite Roads në Palase. Në momentin që u dha statusi, pronar i kompanisë ishte Gjikuria. Por hajde gjeje, përfituesin fundor siç thotë ligji, ose pronarin faktik siç thotë SPAKU. 

Tani erdhi dhe e treta e vërteta. Sot qeveria bëri me status strategjik edhe pronarët e Top Channel. Belaja e madhe tani është, mos na çohet dhe RTSH dhe na kërkon edhe ajo status strategjik.

A mund të ketë vend në botën e tretë që ndodh kjo?

Turizëm i madh plako. Turizëm i madh gjithandej. Si do ta përballojme gjithë këtë fluks turistik, është halli.

Megjithatë dilema e madhe është kjo.

Është më mirë të jetosh në një Shqipëri ku qeveria gjobit median arbitrarisht siç ishte rasti i Berishës me Top Channel apo në një Shqipëri ku qeveria i ble mediat kombëtare me statuse strategjike dhe koncesione më pak strategjike siç është rasti i Ramës me të gjithë?

Shqipëria e parë është gjallë dhe reziston. E dyta jeton në një realitet të rremë. Ose farse, siç ka qejf ta quajë Berisha”, shkruan gazetari Klodian Tomorri./ CNA

 





Lajmet e fundit nga