web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ramës për pagat e gjyqtarëve/ Zaçaj: Nuk është presion, janë të zakonshme

13 Qershor 2025, 13:46, Aktualitet CNA

Deklaratat e Ramës për pagat e gjyqtarëve/ Zaçaj: Nuk

Kryetarja e Gjykatës Kushtetuese, Holta Zaçaj, ka folur për mediat në lidhje me kërkesën e gjyqtarëve për rritje pagash.

Zaçaj tha se deklarata e djeshme e Kushtetueses është për të garantuar se është e paanshme në vendimet e saj.

Sa i përket deklaratës së Ramës në lidhje me pagat e gjyqtarëve, Zaçaj u shpreh se nuk beson se është presion, por deklaratë e zakonshme e palëve.

“Zbatimi i vendimeve të Gjykatës Kushtetuese tregon stadin e demokracisë. Kemi ende punë për të bërë, por në mazhoritetin e vet vendimet tona janë të zbatueshme… vendime të caktuara për të cilat politika merr koston e vet nëse nuk i zbaton, kur flasim për pushtete të tjera. E rëndësishme është që gjykata funksionon. Gjykata doli dje me një deklaratë se detyra jonë është të garantojmë publikun që gjykata funksionon e pavarur, e paanshme, sigurisht me mendimet që vijnë nga të gjitha anët, ndonjëherë edhe mendimet që jep media. Në thelb është që të sigurojmë publikun që ne jemi të paanshëm pavarësisht si bëjnë… Nuk besoj se deklarata (e Ramës) është presion, janë deklarata të zakonshme të palëve në proces, ju në media u jepni më shumë se ç’duhet zë opinioneve”, tha Zaçaj./ CNA





Lajmet e fundit nga