web counter
LEXO PA REKLAMA!

SHKARKO APP

App Store
Google Play

E fundit!

x

"Nuk ndikohemi"/ Kushtetuesja: Është e papranueshme përpjekja për të vënë në dyshim autoritetin

12 Qershor 2025, 14:39, Aktualitet CNA

"Nuk ndikohemi"/ Kushtetuesja: Është e papranueshme

Gjykata Kushtetuese ka bërë një njoftim për shtyp, ku siguron palët se nuk ndikohet në vendimmarrje nga asnjë pushtet tjetër. Më tej, gjykata thotë se është e papranueshme çdo lloj përpjekje për të vënë në dyshim autoritetin e Gjykatës Kushtetuese.

Ky reagim i gjykatës vjen pas deklaratës së djeshme të kryeministrit Rama, i cili e quajti vendimin e 2022-shit të Gjykatës Kushtetuese për rritjen e pagave të gjyqtarëve një shaka të hidhur që uronte të mos përsëritej.

 

Njoftimi i Gjykatës Kushtetuese

 

Duke marrë shkas nga qëndrime dhe reagime të publikuara së fundi në media dhe në rrjete sociale nga përfaqësues të pushteteve të tjera, përfshi atë ekzekutiv, si dhe të vetë medias, Gjykata Kushtetuese siguron publikun dhe palët në proces se ajo është e pavarur në ushtrimin e funksionit të saj kushtetues dhe nuk ndikohet prej tyre në veprimtarinë ose vendimmarrjen e saj.

Gjykata Kushtetuese gjen rastin të ritheksojë se vendimet e saj mund të jenë objekt kritikash, megjithatë është e papranueshme çdo formë ndikimi, sikundër çdo përpjekje për të vënë në dyshim autoritetin dhe reputacionin e saj, qoftë edhe në dukje, çka do të cenonte vetë parimet themelore të shtetit të së drejtës dhe atë të ndarjes dhe balancimit ndërmjet pushteteve.





Lajmet e fundit nga