web counter
LEXO PA REKLAMA!

SHKARKO APP

App Store
Google Play

Temperaturat ekstreme/ Paralajmërimi i Bratajt, ja kur duhet të tregoni kujdes

11 Qershor 2025, 22:43, Aktualitet CNA

Temperaturat ekstreme/ Paralajmërimi i Bratajt, ja kur duhet të

Temperaturat e larta kanë përfshirë vendin tonë. Kreu i Urgjencës Kombëtare, Skënder Brataj, në Klan Neës, paralajmëroi se kur duhet bërë kujdes në këto ditë të nxehta.

Ai theksoi se personat me sëmundje kronike, probleme metabolike, apo mbipeshë janë më të rrezikuar.

Po ashtu theksoi se duhen shmangur daljet  në orët mes 11:00 dhe 17:00.

“Kategoritë të cilat janë më të ndjeshme dhe më të prekshme, më të rrezikshme duhet të kenë parasysh që ta parandalojnë. Zotëri mos dil nga ora 11, sepse është kulmi i temperaturës. Mos dil që të bësh plazhin, mos dil të pazarin në atë, e kam fjalët për gjëra alternative. Personat që janë me sëmundje kronike, ose me probleme metabolike që janë personat me hipertension, obezitet dhe diabeti. Njerëzit duhet të dinë një gjë që sa më shumë i shëndoshë të jesh, aq më shumë dhjamë ke, dhjami nuk mban ujë dhe ti ke pak ujë. Sëmundja e mushkërive, kur ti nuk ke kapacitet vital që të kesh atë sasi oksigjeni që të duhet për të gjitha indet, atje fillon lodhja sepse ty të mungon oksigjeni. Këto janë disa gjëra që duhet t’i kemi parasysh, prandaj quhet parandalim. Kjo varet edhe nga lagështira e ajrit, sepse sa më shumë të jetë ajri i ngopur me lagështirë, aq më keq është për ne, nuk eliminojmë dot energjinë që prodhojmë.”

Brataj tha se rreziku nuk mungon edhe për të rinjtë. Ai tha se duhet bërë kujdes kalimi i menjëhershëm nga ambiente me temperatura të ndryshme.

Ai paralajmëroi se kalimi i shpejtë nga ambiente të ftohta në temperatura të larta, mund të ndikojnë në qarkullimin dhe presionin e  gjakut./ CNA





Lajmet e fundit nga