web counter
LEXO PA REKLAMA!

SHKARKO APP

App Store
Google Play

“Kullat në mes të Tiranës janë ambicie e Ramës”/ Gazetari Hoxhaj: Po shkakton humbjen e identitetit

10 Qershor 2025, 16:45, Aktualitet CNA

“Kullat në mes të Tiranës janë ambicie e

Gazetari Juljan Hoxhaj tha sot se ndërtimi i kullave në mes të kryeqytetit është një ambicie e kryeministrit Edi Rama që kur ka qenë kryetar i Bashkisë së Tiranës.

I ftuar në ‘Syri TV’, gjatë një hapësirë televizive, Hoxhaj u shpreh se përshpejtimi i flluskës imobiliare dhe zhvillimi i shpejtë ndërtimeve në Tiranë, po shkakton humbjen e identitetit të kryeqytetit.

“Kjo është një ambicie e re e kryeministrit Rama që kur ka qenë kryetar i bashkisë ai e ka publikuar më të madhe, me zë të lartë dëshirën e tij që Tirana të jetë një vend që të ketë sa më shumë kulla, të jetë një vend, në një farë mënyre një lloj parajse fiskale për pastrimin e parave, sepse vetëm kështu mund të shpjegohet, të paktën në logjikë ekonomike, ajo që po ndodhë në kryeqytetin shqiptar.

Por ajo që erdhi pak ditë më parë me panairin e arkitekturës është guri i radhës kilometrik që hidhet në Shqipëri, jo për të ndërtuar një qytet europian, por për të shkatërruar edhe ato pak vlera europiane që i kanë mbetur kryeqytetit.

Kryeqyteti tashmë është thyer në një kantier ndërtimi ku vetëm ndërtohet pa kriter, me një plan urbanistik që ka rrëfshuar në njëfarë mënyre të gjitha pikat kulturore, sitet kulturore të Tiranës.

Ne kemi një qytet i cili ka zhdukur në njëfarë mënyre memorien e tij historike.
Tirana po zhvillohet nga historia dhe po bëhet në njëfarë mënyre, po ta krahasosh, me një lloj Dubai modern, ku aty në fakt ishte një lloj toke e shkrete, pra ishte shkretëri, ishte rërë, dhe u kthye në një kantier ndërtimi, pra i shërben…

Është çështje koncepti kulturor”,-tha Hoxhaj./CNA





Lajmet e fundit nga