web counter
LEXO PA REKLAMA!

SHKARKO APP

App Store
Google Play

E fundit!

x

Veliaj ofron garanci pasurore në këmbim të lirisë/ Nis seanca gjyqësore  

9 Qershor 2025, 14:21, Aktualitet CNA

Veliaj ofron garanci pasurore në këmbim të lirisë/ Nis

Ka nisur seanca gjyqësore ndaj kryebashkiakut të arrestuar, Erion Veliaj, në Apelin e Posaçëm.

Seanca do të mbahet pasi ka një ankimim ndaj vendimit të Gjykatës së Shkallës së Parë për vazhdimin e masës së sigurisë.

Gjyqtari i çështjes është Engert Pëllumbi, i njëjti gjyqtar që mbajti në arrest Erion Veliajn, pas ankimimit të vendimit të gjykatës për masën e sigurisë.

Ndërkohë, përmes avokatëve të tij, Veliaj ka kërkuar një masë sigurie më lehtësuese, kundrejt ofrimit të garancisë pasurore.

Kujtojmë se ndaj kryebashkiakut të arrestuar të Tiranës, i cili mbahet në burgun e Durrësit, rëndojnë 12 akuza për 4 vepra penale:

“Korrupsion aktiv dhe pasiv i të zgjedhurve vendorë”, “Pastrimi i produkteve të veprës penale”, “Futja e sendeve të ndaluara në qelitë e paraburgimit”, “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”./ CNA





Lajmet e fundit nga