web counter
LEXO PA REKLAMA!

SHKARKO APP

App Store
Google Play

E fundit!

x

Veliaj kërkon sot lirinë në këmbim të pasurisë

9 Qershor 2025, 08:31, Aktualitet CNA
Veliaj kërkon sot lirinë në këmbim të pasurisë
Erion Veliaj

Sot, në orën 14:00 zhvillohet seanca gjyqësore në Gjykatën e Apelit të Posaçëm për kryebashkiakun e arrestuar të Tiranës, Erion Veliaj.

Seanca do të mbahet pasi ka një ankimim ndaj vendimit të Gjykatës së Shkallës së Parë për vazhdimin e masës së sigurisë.

Gjyqtari i çështjes pritet të jetë Engert Pëllumbi, i njëjti gjyqtar që mbajti në arrest Erion Veliajn, pas ankimimit të vendimit të gjykatës për masën e sigurisë.

Ndërkohë, përmes avokatëve të tij, Veliaj ka kërkuar një masë sigurie më lehtësuese, kundrejt ofrimit të garancisë pasurore.

Në një kohë kur SPAK i ka komunikuar Veliajt se ka konsumuar 9 herë veprën penale të korrupsionit, Veliaj ofron para për lirim nga burgu.

Me paratë e kujt do të paguajë garancinë Erion Veliaj, kur Prokuroria e Posaçme po heton pikërisht për këto para?

Kujtojmë se ndaj kryebashkiakut të arrestuar të Tiranës, i cili mbahet në burgun e Durrësit, rëndojnë 12 akuza për 4 vepra penale:

“Korrupsion aktiv dhe pasiv i të zgjedhurve vendorë”, “Pastrimi i produkteve të veprës penale”, “Futja e sendeve të ndaluara në qelitë e paraburgimit”, “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

Akuza e fundit iu shtua Veliajt në 22 maj të 2025./ CNA

 





Lajmet e fundit nga