web counter
LEXO PA REKLAMA!

SHKARKO APP

App Store
Google Play

E fundit!

x

Gazetari: Taksat e qytetarëve përdoren për interesat private të kryetares së komanduar të Bashkisë Tiranë

8 Qershor 2025, 13:04, Aktualitet CNA

Gazetari: Taksat e qytetarëve përdoren për interesat private

Gazetari Juljan Hoxha ka folur mbi skandalin e denoncuar ku është përfshirë kryetarja e komanudar e Bashkisë Anuela Ristani.

Në një intervistë televizive, Hoxhaj është shprehur se, rasti i përdorimit të automjeteve të bashkisë nga familjarët e kryetares së komanduar të bashkisë së Tiranës tregon se çfarë arrogance kanë drejtuesit e qeverisë në këtë vend.

Gazetari theksoi se taksat e qytetarëve të Tiranës dhe të gjithë Shqipërisë përdoren për interesat private.

“Rasti i përdorimit të automjeteve të bashkisë nga familjarët e kryetares së komanduar të bashkisë së Tiranës tregon se çfarë arrogance kanë drejtuesit e qeverisë në këtë vend. Taksat e qytetarëve të Tiranës dhe të gjithë Shqipërisë përdoren për interesat private në mënyrë kaq të pacipë.

Rasti i zonjës Ristani është një rast flagrant dhe mënyra se si ajo reagoi tregoi që bashkia e Tiranës nga sot e tutje do të ketë një lloj prepotence karshi qytetarëve jo më ndaj punonjësve të vet të bashkisë. Në media janë bërë denoncime ndaj kryebashkiakes dhe Partia e Lirisë ka bërë një reagim ku kërkoi hetim ndaj zonjës Ristani”, tha Hoxhaj.

Ndër të tjera gazetari Juljan Hoxhaj ka denoncuar dhe një skandal tjetër ku shprehet se kryetares së komanduar Anuela Ristani nuk i pëlqen arredimi i zyrës.

Gazetari nënvizoi se janë mbi 460 mln lekë të taksave të qytetarëve të Tiranës që do të përdoren nga kryetarja e komanduar e bashkisë për luksin e saj personal, pra për arredimin e zyrës së saj.

“Zonjës në fjalë nuk i ka pëlqyer arredimi i zyrës. Janë mbi 460 mln lekë të taksave të qytetarëve të Tiranës që do të përdoren nga kryetarja e bashkisë për luksin e saj personal, pra për arredimin e zyrës së saj’, deklaroi gazetari./ CNA





Lajmet e fundit nga