web counter
LEXO PA REKLAMA!

SHKARKO APP

App Store
Google Play

Gjykata e Tiranës rrëzon padinë e Ramës ndaj Bashës

12 Qershor 2025, 10:11, Aktualitet CNA

Gjykata e Tiranës rrëzon padinë e Ramës ndaj Bashës

Gjykata e Tiranës ka rrëzuar padinë e kryeministrit Edi Rama ndaj Lulzim Bashës. 

Padia ka të bëjë me një deklaratë të bërë nga Basha në vitin 2018, për të cilën Rama kërkonte një dëmshpërblim prej 1 milion lekësh. Gjithashtu kryeministri kërkonte nga Lulzim Basha të publikonte një përgënjeshtrim për deklaratën e bërë.

Gjykata e ka rrëzuar padinë me arsyetimin se nuk është e bazuar në ligj dhe prova.

Njoftimi i gjykatës

Gjykata e Shkallës së Parë të Juridiksionit të Përgjithshëm Tiranë, Dhoma Civile,  më datë 11.06.2025, pasi shqyrtoi në seancë gjyqësore, në praninë e përfaqësuesit të palës paditësë, kërkesën me paditës: Edi Rama, të paditur Lulzim Basha, me objekt: “1. Detyrimi i të paditurit të shpërblejë dëmin jo pasuror, shkaktuar paditesit, si rezultat i thënieve të pavërteta të deklaruara prej tij, nga selia e Partisë Demokratike, në prononcim për mediat me datë 22.10.2018, në shumën 1.000.000 (një milion) lekë si dhe shpenzimet gjyqësore dhe ato avokatore. 2. Detyrimi i të paditurit të publikojë një përgënjeshtrim në të gjitha mediat që kanë publikuar deklaratën apo lajmin mbi të, sipas listës së përcaktuar në pikën D.2 të kërkesë padisë”.

Gjykata, bazuar në rrethanat e konstatuara gjatë hetimit gjyqësor, në dispozitat ligjore përkatëse dhe në arsyetimin e mësipërm, çmon se padia nuk duhet pranuar pasi është e pabazuar në ligj dhe në prova,

PËR KËTO ARSYE;

Gjykata mbështetur në nenet 126, 306 deri 310 të Kodit të Procedurës Civile

V E N D O S I:

1.      Rrëzimin e padisë pasi është e pabazuar në ligj e në prova.

2.      Shpenzimet gjyqësore në ngarkim të palës paditëse. 

3.      Kundër vendimit mund të bëhet ankim në Gjykatën e Apelit Juridiksioni i Përgjithshëm brenda 15 (pesëmbëdhjetë) ditëve duke nisur afati nga e nesërmja e komunikimit të vendimit të arsyetuar.

 





Lajmet e fundit nga