web counter
LEXO PA REKLAMA!

SHKARKO APP

App Store
Google Play

Përgjegjësi i Shërbimit Veterinar, këshilla fermerëve/ “Mos shisni dhe blini kafshë në tregje”

13 Qershor 2025, 16:18, Aktualitet CNA

Përgjegjësi i Shërbimit Veterinar, këshilla fermerëve/

Përgjegjësi i Shërbimit Veterinar në Qarkun Korçë, Demirali Latollari, ka folur për rastin e murtajës që ka infektuar kafshët.

Ai ka këshilluar fermerët që të tregojnë kujdes dhe të mos shesin apo blejnë kafshë në këtë periudhë në tregje.

Më tej, shprehet se murtaja e bagëtive, edhe pse përhapet shpejt te bagëtitë e imëta, nuk paraqet rrezik për përhapje te njerëzit dhe as te kafshët e tjera.

"Katër ditë më parë është konstatuar vatër infeksioni e murtajës te bagëtitë e imëta në tufën e blegtorit Florian Bode në fshatin Shuec të Bashkisë Devoll. Fermerit të prekur i kanë ngordhur 13 bagëti në tufën me 170 krerë. Pas njoftimit të Shërbimit Veterinar të Korçës, specialistët kanë mbërritur në Shuec, ku kanë konfirmuar sëmundjen e murtajës dhe po marrin masa për asgjësimin e bagëtive të prekura. Nga kontrolli në ferma të tjera në nivel qarku nuk janë konstatuar vatra të tjera.

Në një perimetër prej 3 km, që përfshin Shuecin, Rakickën dhe Zagradecin, është vendosur karantina veterinare, për shkak të rrezikut të lartë të infektimit. Vendosja e karantinës ndalon lëvizjen e bagëtive nga kjo zonë në zonat e tjera.

Fermerët duhet të kenë kujdes dhe të mos shesin apo blejnë kafshë në këtë periudhë në tregje. Murtaja e bagëtive, edhe pse përhapet shpejt te bagëtitë e imëta, nuk paraqet rrezik për përhapje te njerëzit dhe as te kafshët e tjera."/ CNA





Lajmet e fundit nga