web counter
LEXO PA REKLAMA!

SHKARKO APP

App Store
Google Play

Sulmet ndaj Iranit/ Teologu: Operacion i mirorganizuar, ndodhi në momentin më të volitshëm

14 Qershor 2025, 14:59, Aktualitet CNA

Sulmet ndaj Iranit/ Teologu: Operacion i mirorganizuar, ndodhi në momentin

Pedagogu në Institutin e Studimeve Europiane dhe teologu Ermir Gjinishi ka komentuar luftën e nisur mes Izraelit dhe Iranit.

I ftuar në emisionin "Zonë e Lirë", Gjinishi u shpreh se i gjithi ishte një operacion i mirorganizuar.

Ai tha se tani është momenti më i volitshëm për goditjen e Iranit, sepse Hezbollahu është i asfiksuar, milicitë janë të asfiksuara, Siria është jashtë loje.

“Irani është vetëm dhe milicitë janë dobësuar, kështu që Izraeli s’mund ta linte këtë moment të shkonte dëm”, u shpreh Gjinishi.

“Është një operacion i mirorganizuar. Ka pasur goditje nga brenda Iranit, nga komandat e Mossad-it, me dronë. Jemi në një moment shumë të vështirë. Lindja e Mesme me gjithë këto konflikte që kanë nisur, s’ka qenë asnjëherë në nivele të tilla. Sulmi i Izraelit i nisur sot para agimit, e gjeti të papërgatitur Iranin dhe kjo është çudi e madhe. Goditja që bëri Izraeli ishte spektakolare, tregon për dështimin e sistemeve iraniane.

Ne mund ta lidhim edhe me marrëveshjen që po përgatiste SHBA-ja me Iranin. Ka njëfarë koordinimi të heshtur, edhe pse SHBA-ja ka thënë që kemi dijeni, por s’kemi marrë pjesë. Të gjithë izraelitët, mbi 80 për qind e opinionit publik, megjithëse Netanjahu është në këtë vështirësi politike, pjesa më e madhe janë dakord që Irani është kërcënim për Izraelin. Të gjitha të tjerat janë elementë plotësues, edhe marrëveshja.

Tani është momenti më i volitshëm për goditjen e Iranit, sepse Hezbollahu është i asfiksuar, milicitë janë të asfiksuara, Siria është jashtë loje. Irani është vetëm dhe milicitë janë dobësuar, kështu që Izraeli s’mund ta linte këtë moment të shkonte dëm.

Nuk mund të kemi luftë bërthamore, por s’mund të kemi luftë bërthamore, sepse armë bërthamore ka vetëm Izraeli, nuk ka Irani. Shqetësimi që ka Izraeli për posedim të armës bërthamore tek Irani s’është tani. Irani elementët i ka, duke filluar nga uraniumi i pasurur, rreth 400 kg, që mjafton për 50 koka bërthamore. Megjithatë s’e ka”, tha ai.

Sipas Gjinishit, qëllimi përfundimtar i Izraelit është rrëzimi i regjimit të Ajatollahve në Iran.

"A mori OK-in Bibi (Netanjahu) nga Trump-i, apo Trump e përdori BiBi-n për të ushtruar presion ndaj Iranit për t’u ulur në marrëveshje. Kemi shkuar në pikën zero, a do ta hajë Irani presionin për t’u ulur në negociata?! Irani këtë s’mund ta pranojë sepse bie regjimi. Qëllimi përfundimtar i Izraelit është rrëzimi i regjimit të Ajatollahve në Iran", ka deklaruar Gjinishi./ CNA





Lajmet e fundit nga