web counter
LEXO PA REKLAMA!

SHKARKO APP

App Store
Google Play

E fundit!

x

Mesha Hyjnore në Kishën Patriarkale të Shën Gjergjit/ Nesër në transmetim live në CNA TV

14 Qershor 2025, 20:44, Aktualitet CNA

Mesha Hyjnore në Kishën Patriarkale të Shën Gjergjit/

Nesër, e diel, 15 qershor, do të mbahet Mesha Hyjnore në Kishën Patriarkale të Shën Gjergjit në Stamboll (Kostandinopojë).

Mesha mbart një moment të veçantë për besimtarët orthodoksë dhe Kishën Orthodokse, pasi do meshojë edhe Kryepiskopi i Tiranës, Durrësit dhe Gjithë Shqipërisë, Fortlumturia e tij, Imzot Joani.

Mesha do të raportohet në cna.al dhe do të transmetohet live në CNA TV.

Kryepiskopi Joan ka mbërritur në Stamboll në një vizitë historike, ku u prit nga Tërëshenjtëria e Tij, Patriarku Ekumenik, Vartholome.

Delegacioni përbëhet nga Mitropolitët e Fierit dhe Apolonisë z. Nikolla dhe të Beratit z. Asti, Hirësinë e Tij Episkopin e Krujës z. Anastas, Protosingjel i Kryepiskopatës së Shenjtë, Protopresviterin Atë Jani Mërkuri, Epítrop Arkieratik i Mitropolitisë së Shenjtë të Gjirokastrës, Kryedhakonin z. Johan Koroveshi dhe z. Andrea Rëmbeci, Profesor i Universitetit të Tiranës dhe Drejtor i Fondacionit “Frymë Dashurie”.

Vizita kryhet në kuadrin e vizitave tradicionale paqësore që bëjnë Primatët e Kishave Orthodhokse, që nis nga Patriarkana Ekumenike e cila mban vendin e parë të nderit dhe vazhdon në të gjitha Kishat Orthodhokse.

Kjo vizitë është shprehje e unitetit të Kishës në Shpirtin e Shenjtë./CNA





Lajmet e fundit nga