E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Nis projekti për sistemin e Ujësjellësit në Trebinjë të Pogradecit/ Xhakolli kryen inspektime

17 Qershor 2025, 10:45, Aktualitet CNA

Nis projekti për sistemin e Ujësjellësit në Trebinjë

Një investim i rëndësishëm në sistemin e ujësjellësit ka nisur në njësinë administrative Trebinjë të Pogradecit, duke sjellë zgjidhje për një problem të kahershëm të furnizimit me ujë të pijshëm. Projekti përfshin 8 fshatra të zonës dhe pritet të përfitojnë rreth 4500 banorë. Projekti përfshin fshatrat Guri Bardhë, Dunicë, Kalivaç, Potkozhan, Pevelan, Malinë, Trebinjë, Pleshisht.

Investimi realizohet nga Agjencia Kombëtare e Ujësjellësit në bashkëpunim me Bashkinë Pogradec. Kryetari i bashkisë, Ilir Xhakolli, ka inspektuar nga afër punimet, duke deklaruar se me këtë projekt përmbyllet një herë e mirë problemi i ujit të pijshëm për zonën e Mokrës.

Xhakolli: Sa kohë keni që keni filluar?

Inxhineri: Ne po bëjmë sot dita e dhjetë që kemi filluar.

Xhakolli: Sa është afati?

Inxhineri: Afati është 15 muaj

Xhakolli: -Besoj e arrini?

Inxhineri: -Patjetër! Shumë më shpejt!

Xhakolli: -Duhet të mendoni të bëni këto punët e vështira për shkak të terrenit

Inxhineri: Terreni është shumë i vështirë sidomos burimet që janë në majë të Kozicit, janë të vështirë për tu arritur, për tu kaptazhuar. Them se në planet tona, në atë zonë për 6 muaj e mbyllim. Pastaj normalisht na duhet 1 muaj për të bërë planifikimin dhe dorëzimin me ujësjellësin

Inxhineri: E bëjmë si proces para se të merret në dorëzim që edhe ata të njihen me terrenin, materiale më të mira se këto, vështirë se gjen, janë të fabrikës KONTI, kanë certifikim gjerman, eshtë i njëjti tub që shtrohet në Gjermani, si në mes të Berlinit edhe këtu vendoset ky tub. Duke qenë se kemi eksperienca me ujësjellsat i kemi provuar të gjithë, por me KONTI. Jemi shumë të kënaqur, Materialet dhe rakorderitë janë të gjitha italiane plast italia përdorim si rakorderi ngjitjen e tubave.

Xhakolli: Edhe ne mbajmë premtimin duke përfunduar me këtë zonë pasi vetëm kjo kishte mbetur njësia Trebinjë, kështu që ju ftoj të punoni me cilësi të mirë sepse e meriton kjo zonë.

Inxhineri: Eshtë një zonë shumë e bukur, ne do bëjmë maksimumin dhe them se do e arrijmë, me ndihmën tuaj, me ndihmën e ujësjellsit pasi duhet ndihma e të gjithëve që të ecë puna.

Punimet kanë nisur prej disa ditësh dhe po ndërhyhet me tubacione bashkëkohore, që garantojnë furnizim të qëndrueshëm dhe cilësor. Krahas ujësjellësit, po punohet edhe për përmirësimin e infrastrukturës rrugore./ CNA