web counter
LEXO PA REKLAMA!

SHKARKO APP

App Store
Google Play

Shumë zhurmë për asgjë/ Berisha shpall Bardhin “hero”

29 Mars 2024, 20:08, Politikë CNA
Shumë zhurmë për asgjë/ Berisha shpall Bardhin
Gazment Bardhi dhe Sali Berisha

Shumë zhurmë për asgjë. Kështu mund të themi për denoncimin e nënkryetarit të PD-së, Gazment Bardhi për Olsi Ramën, vëllain e kryeministrit Edi Rama.

Bardhi tha se Olsi Rama dhe grupi i kokainës kanë përdorur të njëjtën makinë, fakt ky që ishte denoncuar nga ish-kryeministri Sali Berisha vite më parë.

Pavarësisht zhurmës që bëri në media, Bardhi nuk tha asgjë të re, por për këtë opozita dhe vetë Sali Berisha duan ta shpallin “hero”.

Dhe Bardhin po e bëjnë “hero” në një kohë kur zhurma që ka krijuar nuk i shërben askujt veçse kryebashkiakut të Tiranës, Erion Veliaj, të cilit iu arrestuan disa drejtorë me urdhër të SPAK-ut.

“Mbrëmë për herë të parë, Edi Rama dhe Olsi Rama pranuan autorësinë e krimit të madh të Xibrakës.

Ata deklaruan në studio me një fletërrufe se Olsi vërtet është shoqëruar me ndonjërin prej tyre, vërtet ka udhëtuar me makinën e tyre, por nuk ka lidhje me ta, paçka se Olsi bënte mbledhje në apartamentet e fshehta të grupit.

Paçka se Olsi ishte mburojë e grupit. Paçka se Olsi ishte një me kreun e grupit, Genti Xhixha. Të gjitha këto, megjithatë mbrëmë u detyruan të pranojnë. Dhe pse pranuan?

Se Gaz Bardhi u nxori dosjen hetimore të prokurorisë. Dhe ajo dosje ka dokumente të tmerrshme, ndaj dhe ata u përpoqën të justifikojnë se e kemi njohur, por nuk kemi marrë pjesë në ta. Olsi, njësoj si Edi u betua se ata që më njohin mua për çun të mirë, e dinë që nuk mund të merrem me atë punë. A nuk u thoshte Edi Rama shqiptarëve se unë dy metër burrë nuk mund të vjedh se nuk ka hajdut dy metër.

Këta janë kriminelë miqtë e mi. Hajdutët më të mëdhenj të Shqipërisë këta të dy janë. Këta e kanë Shqipërinë, çifligun e baballarëve të tyre. Këta nuk kanë normë as standard”, theksoi Berisha./ CNA





Lajmet e fundit nga