web counter
LEXO PA REKLAMA!

SHKARKO APP

App Store
Google Play

E fundit!

x

Tensionet në Himarë/ Rama: Zgjedhja e Blerina Balajt, zhvillim pozitiv

29 Mars 2024, 13:12, Politikë CNA
Tensionet në Himarë/ Rama: Zgjedhja e Blerina Balajt, zhvillim pozitiv
Edi Rama

Kryeministri Edi Rama ka reaguar për zgjdhjen e Blerina Balajt për drejtimin e Bashkisë Himarë. Në një postim në rrjetet sociale, Rama nënvizon se zgjedhja e sotme është një zhvillim pozitiv për vazhdimin e punës së qeverisë vendore.

Ai thekson se shumica e madhe e himarjotëve nuk i përkasin llogores së konfliktit, përçarjes dhe amplifikimit absurd të një sherri primitiv. 

"Zgjedhja e sotme nga Këshilli Bashkiak i Himarës, me 15 vota pro dhe vetëm 4 kundër, e nënkryetares së bashkisë, Blerina Bala, si kryetare në detyrë, është një zhvillim pozitiv për vazhdimin e punës së qeverisë vendore. Përpjekja e dështuar e një grushti individësh të nxitur për ta penguar këtë zhvillim të bazuar në detyrimin përkatës ligjor të Këshillit Bashkiak, tregoi qartë faktin e thjeshtë se shumica e madhe e himarjotëve nuk i përkasin llogores së konfliktit, përçarjes dhe amplifikimit absurd të një sherri primitiv, i cili ushqehet për interesa dhe hesape që s’kanë asnjë lidhje me interesat e Himarës", shkruan Rama. 

Në mbledhjen e sotme të Këshillit Bashkiak u vendos që Blerina Balaj të drejtojë përkohësisht këtë bashki. 

Zgjedhja e Balajt në krye të Bashkisë së Himarës erdhi si nevojë pas arrestimit të Jorgo Goros më 23 mars. 

Ky i fundit akuzohet për tjetërsim pronash dhe se ka favorizuar burrin e Olta Xhaçkës./CNA 





Lajmet e fundit nga