web counter
LEXO PA REKLAMA!

SHKARKO APP

E fundit!

x

Dezinformimi dhe ndërhyrja nga jashtë/ PS kërkon ngritjen e një Komisioni të Posaçëm

28 Mars 2024, 21:13, Politikë CNA
Dezinformimi dhe ndërhyrja nga jashtë/ PS kërkon ngritjen e
Selia e PS-së

Grupi Parlamentar i Partisë Socialiste vendosi t'i paraqesë një kërkesë Kryetares së Kuvendit, Lindita Nikolla për krijimin e një Komisioni të Posaçëm Parlamentar.

Komisioni ka fokus koordinimin dhe mbikëqyrjen e të gjitha përpjekjeve institucionale për të luftuar dezinformimin dhe format e tjera të ndërhyrjes së huaj në proceset demokratike në Shqipëri.

Kjo kërkesë vjen duke u bazuar në angazhimet që rrjedhin nga: Memorandumi i Mirëkuptimit i datës 15 shkurt 2024 ndërmjet Shqipërisë dhe SHBA-së për të adresuar manipulimin e informacionit nga aktorët e shteteve të huaja;

Kërkesa është bërë nga kreu i grupit, Bledi Çuçi.

Ky i fundit thotë se Komisioni i Posaçëm do të zbatojë një qasje holistike dhe afatgjatë për adresimin e ndërhyrjes së huaj në proceset demokratike, që mund të përfshijnë fushatat e dezinformimit në mediat tradicionale dhe sociale për të ndikuar në opinionin publik, mbështetjen financiare të drejtpërdrejtë dhe të tërthortë për përpjekjet për dezinformim, shantazhimin ekonomik të aktorëve publikë dhe manipulimin e shoqërisë civile./ CNA





Lajmet e fundit nga