web counter
LEXO PA REKLAMA!

SHKARKO APP

App Store
Google Play

Mesazhet e ambasadorit të Rumanisë nga Korça

29 Mars 2024, 13:20, Politikë CNA

Mesazhet e ambasadorit të Rumanisë nga Korça

Ambasadori i Rumanisë në Shqipëri, Oktavian Sherban, në një deklaratë nga Korça komentoi Reformën në Drejtësi. Për mediat ai u shpreh se reforma në drejtësi është e rëndësishme dhe se duhet t’u drejtohet qytetarëve shqiptarë. 

“Reforma në Drejtësi duhet t’i drejtohet qytetarit dhe këtu duhet t’u them se nuk ka rëndësi numri i prokurorëve ose gjykatësve që ka Republika e Shqipërisë në këto momente sepse ky është një problem i brendshëm, ajo që mund t'ju them unë është që Reforma në Drejtësi duhet t’i drejtohet qytetarit dhe anasjelltas qytetari me shumë besim drejtësisë”, tha ai.

Sa i takon procesit të integrimit në BE, ambasadori vlerëson punën e bërë nga Shqipëria në shumë kapituj. Ai thekson se zgjedhjet europarlamentare nuk ndikojnë në procesin e integrimit të vendeve kandidate.

"Zgjedhjet europarlamentare janë një proces natyral dhe kjo nuk duhet ngatërruar me ecurinë e vendeve kandidate, këto janë mekanizma që funksionojnë në mënyrë paralele. Kjo varet shumë nga përgatitja e vendit kandidat, sa shpejt do t'i kalojë këto etapa që i paraprijnë në procesin e integrimit. Këtu po e sjell edhe njëherë tjetër në vëmendjen tuaj që procesi i integrimit evropian bazohet në meritat personale të secilit vend kandidat e në qoftë se do ketë ndonjë vonesë për sa i përket çeljes së këtyre kapitujve, nuk do jenë zgjedhjet Europarlamentare ato që do ndodhin, por nëse do të ketë vonesa këto do t'u referoheshin vetëm mangësive të vendit kandidat. Kjo është një gjë shumë e ditur dhe këtë duhet ta pranoj para jush se autoritetet shqiptare janë shumë të përgatitura në shumë drejtime e kapituj. Nuk është një konkurs, është një proces, i cili do të ketë ecurinë normale të tij", tha ai./CNA 

 





Lajmet e fundit nga