web counter
LEXO PA REKLAMA!

SHKARKO APP

App Store
Google Play

E fundit!

x

“Shteti, palë me korrupsionin”/ Dashamir Shehi: Ka ardhur dita për një përmbysje të madhe

1 Shkurt 2023, 22:19, Politikë CNA
“Shteti, palë me korrupsionin”/ Dashamir Shehi: Ka ardhur dita
Kryetari i LZHK-së, Dashamir Shehi

Kryetari i LZHK-së, Dashamir Shehi ka folur për korrupsionin duke thekuar se gjendja po bëhet gjithnjë edhe më problematike.

Në një studio televizive, Shehi është shprehur se shteti është bërë palë me korrupsionin dhe se tepsia publike ndahet me tendera e PPP duke u bërë kapilar korrupsioni.

“Jemi shumë më keq. Sasia e parave korruptive që qarkullon vjen duke u rritur. Këtu rritet volumi, njëkohësisht masa korruptive, por edhe përqindja në njëfarë mënyrë. Korrupsioni ka qenë në Shqipëri, por kurrë në këto nivele që është sot. Sot tepsia publike ndahet me tendera e PPP dhe është bërë kapilar korrupsioni, fillon nga nëpunësi i tatimeve që hyn tek dyqani dhe e ndan bashkë me pronarin atë që duhet t’i paguajë shtetit shqiptar. Pra po flas për historitë e përditshme, nga polici i zonës që duhet të vejë rregull është bërë vetë si gjysmë biznesmeni, e bën sikur nuk i sheh kamerat e vendosura mes qytetit. Korrupsion ka edhe mes Londrës, në Amerikë, por shteti i është kundërvënë dhe herë fiton dhe herë jo. Por në Shqipëri është bërë palë me korrupsionin. Tek ne të ndershmit janë trembur”, ka thënë Shehi.

Më tej, kreu i LZHK-së, deklaron se ka ardhur dita që të ketë një përmbysje të madhe, pasi me këto ritme të frikshme të korrupsionit, që ti afrohemi Europës, duhet të zbresim 50 numra.

“Ka ardhur dita për një përmbysje të madhe. Me këto ritme rezultati është i frikshme, që t’i afrohemi Europës duhet të zbresim 50 numra, këtu nuk ka asnjë shenjë. Kosova e ka bërë është më ndryshe dhe ka përmirësim”, u shpreh ai./ CNA.al





Lajmet e fundit nga