web counter
LEXO PA REKLAMA!

SHKARKO APP

App Store
Google Play

E fundit!

x

“Nuk refuzoj askënd për të bërë foto”/ Berisha: Me Agron Nezën nuk kam njohje

1 Shkurt 2023, 21:57, Politikë CNA
“Nuk refuzoj askënd për të bërë foto”/
Kryetari i Partisë Demokratike, Sali Berisha

Kryetari i Partisë Demokratike, Sali Berisha, është pyetur mbrëmjen sotme në lidhje me foton e tij me Agron Nezën, personin A në dosjen e ish-zyrtarit të FBI-së, Charles McGonigal.

Berisha tha se me Agron Nezën nuk ka asnjë njohje dhe nuk e di se në çfarë situate është bërë ajo foto.

Ai pranoi se ka njohje me të afërm të Nezës, ndërsa theksoi në një intervistë me Beti Njumën se nuk refuzon askënd që i kërkon të bëjë foto me të.

“Asnjë njohje nuk kam me Agron Nezën, unë kam njohje me disa pjesëtarë të familjes së tij se tani mund të jetë familje e madhe. Kanë qenë familje fare e mirë.

Po të pyesësh për foto, të jesh e bindur që janë nja 100 mijë të paktën që kanë foto me Sali Berishën. Çdo ditë ai është një ritual i pandërprerë dhe unë nuk i refuzoj fotot.

Ajo foto ka qenë në vitet ’90 po unë e them këtu, vëllai im ka qenë shok me babain e tij, unë e kam njohur babain e tij mirë shumë, kam njohur xhaxhain e tij shumë shumë mirë, kam njohur një kushëririn e tij të parë, djalë i shkëlqyer, kam njohur Agimin, shumë djalë i mirë, ky zëdhënësi që ka qenë këtu i Parlamentit, njeri i aftë, i zoti. Por këtë nuk e kam njohur. Ka ardhur, ka bërë një foto dhe ka ikur. Por po ta njihja do thoja unë”, deklaroi kreu i demokratëve./ B.A. – CNA.al





Lajmet e fundit nga