web counter
LEXO PA REKLAMA!

SHKARKO APP

App Store
Google Play

Arrestimi i ish zyrtarit të FBI-së, pika e vlimit/ Ristani zbulon disa nga kauzat e protestës së 11 Shkurtit

1 Shkurt 2023, 19:01, Politikë CNA
Arrestimi i ish zyrtarit të FBI-së, pika e vlimit/ Ristani zbulon disa
Foto ilustruese

Ish deputeti demokrat Arben Ristani ka folur për protestëne PD-së, që pritet të zhvillohet me 11 Shkurt.

Ristani është shprehur se kauza e protestës ka të bëjë me keqqeverisjen dhe skandalin më të fundit me arrestimin e McGonigal dhe lidhjet e tij me Ramën.

Sipas ish deputetit kjo ishte pika e vlimit, ose qershia mbi tortë, duke shtuar se ka dhe shumë asrye të tjera për të protestuar, si korrupsioni, varfëria, largim të shqiptarëve nga vendi.

 “Kauza e protestës ka të bëjë me keqqeverisjen. Keqqeverisja është e shumëanshme, në shumë plane, por keqqeverisja kulmoi me atë që është cilësuar nga Partia Demokratike, nga shqiptarët, por edhe nga personalitetet amerikane, si një thikë në zemër të marrëdhënieve diplomatike midis Shqipërisë dhe SHBA-ve, pra rasti i fundit i agjentit të FBI-së dhe korruptimit të tij nga kryeministri Rama.

Kjo është pika e vlimit, kjo është qershia mbi tortë, sepse shkaqet për të protestuar janë të shumta. Si kryesore, unë do të përmendja prishjen e sistemit demokratik në Shqipëri, mosfunksionimin e institicioneve, gjë që ka sjellë shtim të varfërisë, shtim të korrupsionit, largim të shqiptarëve nga Shqipëria.

Pra, është e gjithë tabloja në të cilën ne jetojmë, si kauzë për një protestë. Ajo që ne presim nga protesta, është që zemërimi i shqiptarëve të jetë i shtuar në atë masë sa protesta të jetë e atillë që të krijojë kushtet për largimin e kryeministrit Rama nga qeveria”, theksoi ai.





Lajmet e fundit nga