Pas mbledhjes së grupit parlamentar/ Berisha "zbret" në tavolinë “Mc Gonigal”

1 Shkurt 2023, 13:28, Politikë CNA

Pas mbledhjes së grupit parlamentar/ Berisha "zbret" në

Kreu i PD-së, Sali Berisha, ka vijuar edhe sot me akuza të rënda ndaj kryeministrit Edi Rama.

Pas mbledhjes së grupit parlamentar të PD-së, Berisha ka “zbritur” në tavolinë skandalin McGonigal.

Akti i Edi Ramës, sipas tij, është një thikë e tmerrshme pas shpine që ky njeri, i cili nuk ka nder, nuk ka komb, nuk ka atdhe, nuk ka flamur, nuk ka dinjitet, ka bërë ndaj kombit amerikan, SHBA-së, qeverisë së SHBA-së, por edhe më gjerë.

"Mblidhemi në një kohë kritike në shumë aspekte, regjimi i kalbur i Edi Ramës është sot regjimi më i diskredituar pas Koresë së Veriut, Carit dhe Lukashenkos.

Edi Rama, siç dëshmojnë dokumentet e pakundërshtueshme, është sjellë ndaj SHBA-ja sikur të ishin një vend armik dhe jo kontributori kryesor në historinë e lirisë së kombit shqiptar.

Dhe jo udhëheqësi i botës së lirë, i aleancës së Atlantikut të Veriut, vendi kryesor përgjegjës për paqen dhe sigurinë e vendeve të lira.

Akti i Edi Ramës është një thikë e tmerrshme pas shpine që ky njeri, i cili nuk ka nder, nuk ka komb, nuk ka atdhe, nuk ka flamur, nuk ka dinjitet, ka bërë ndaj kombit amerikan, SHBA-së, qeverisë së SHBA-së, por edhe më gjerë.

Edi Rama ka përbaltur pas Enver Hoxhës, më shumë se kushdo tjetër, emrin e shqiptarit dhe Shqipërisë, para kombit amerikan, para qeverisë së SHBA-së dhe Kongresit të këtij vendi dhe institucioneve të tjera të këtij vendi.

Edi Rama, e vërteta, thashë edhe njëherë, është sjellë me aktin e tij, siç sillen armiqtë ndaj njëri-tjetrit.

Në këtë mënyrë, ai ka lënduar çdo shqiptar, i cili ka mirënjohjen si virtyt të palëkundur e moral të tij. Ka lënduar në mënyrë të tmerrshme shqiptaro-amerikanët, të cilët që nga viti 1910 e gjer më sot, në mënyrë të pareshtur, trokasin në dyert e ligjvënësve të tyre, kongresmenëve dhe senatorëve, në dyert e institucioneve të SHBA-së e gjer në derën e madhe të Shtëpisë së Madhe për të kërkuar ndihmë dhe mbështetje për Shqipërinë dhe Kosovën.

Për ata, kjo është ndoshta, pas diktaturës, java më e vështirë e tyre, para qytetarëve, miqve të tyre amerikanë, para ligjvënësve, para zyrtarëve, para të gjithëve", ka thënë Berisha./CNA.al