web counter
LEXO PA REKLAMA!

SHKARKO APP

App Store
Google Play

E fundit!

x

Kë njeh KQZ, PD-në e Berishës apo PD-në e vulës/ Celibashi “ngre” duart

1 Shkurt 2023, 11:43, Politikë CNA

Kë njeh KQZ, PD-në e Berishës apo PD-në e vulës/

Kush do të regjistrohet në KQZ për zgjedhjet e 14 majit, PD-ja që drejtohet nga Sali Berisha apo nga PD-ja e vulës?

Kjo është pyetja që ngrihet në prag të zgjedhjeve të 14 majit.

Kreu i KQZ-së, Ilirjan Celibashi, ka thënë se janë në proces verifikimi, ligji dhe realiteti politik do jenë pjesë e gjykimit të tij.

“Nëse do ta bënim formale dhe unë do isha formal, përgjigjja do ishte do ta merrni vesh kur të vendoset.

 Po s’dua të bëj hipokritin dhe të them që s'e njohim realitetin.

Qoftë edhe si individ edhe unë, këtu jetoj, i ndjek lajmet, kam gjykimet dhe opinionet e mia.

Edhe pse kjo s’do të thotë që kur të vijë puna e vendimmarrjes kjo do jetë pjesë e gjykimit tim.

Kemi dy propozime për anëtarë të KZAZ-ve nga zoti Indrit Sefa (PD), kemi dhe një propozim zoti Flamur Noka në cilësinë e sekretarit të përgjithshëm të PD-së. Në fakt jemi në proces të verifikimit të dokumentacionit mbi propozimet për anëtar të KZAZ-ve, jo vetëm të PD-së, por edhe të partive të tjerave.

Më vjen keq që gjendem në këtë situatë. S’kemi asnjë lloj interesi dhe asnjë lloj simpatie për partitë, përtej komenteve. (...) S’kemi asnjë lloj ndrojtjeje për të zbatuar ligjin.

S'e vendosim se kush e udhëheq PD-në, ne do disponojmë se kush do ta përfaqësojë, për ne është vetëm një PD, ngelet për t'u parë se kush e ka tagrin. Kjo gjë duhet zgjidhur, sepse flitet për një parti kryesore të opozitës.”- tha Celibashi./CNA.al





Lajmet e fundit nga