web counter
LEXO PA REKLAMA!

SHKARKO APP

App Store
Google Play

E fundit!

x

“Hajduti bërtet kapeni hajdutin”/ Meta i bllokut të zi, i shqetësuar për korrupsionin

1 Shkurt 2023, 14:20, Politikë CNA

“Hajduti bërtet kapeni hajdutin”/ Meta i bllokut të zi, i

Kreu i PL-së, Ilir Meta, është shfaqur sot i shqetësuar duke folur për korrupsionin.

Duke iu referuar raportit të fundit të TI-së, që konstatonte se vendi ynë nuk ka bërë përparim në luftën ndaj korrupsionit, Meta akuzon Qeverinë.

“E bashkëndaj të njëjtin qëndrim me Këshilltaren Rajonale për Europën dhe Azinë Qendrore në 'Transparency International', Lidija Prokiç, e cila theksoi se ndryshimi prej një pike nuk është statistikisht i konsiderueshëm dhe konsiderohet si shenjë mospërparimi.

Me shumë të drejtë zyrtarja e lartë e 'Transparency International' theksoi se 'Shqipëria ka ngecur në vend në luftën ndaj korrupsionit duke mos bërë punë të mjaftueshme për garantimin e parimeve bazë të demokracisë mbi ndarjen e pushteteve, pasi autoritetet qeveritare kanë ende ndikim mbizotërues në veprimtarinë e institucioneve të pavarura'.

Sepse sipas saj 'për sa kohë qeveritë do të fokusohen tek interesat e partisë së tyre, te grupet me interesa ekonomike pranë pushtetarëve dhe interesi publik nuk do të jetë përparësi mbizotëruese, atëhere nuk mund të presim më shumë përparim domethënës'.

Gjithashtu një tjetër raport serioz i publikuar nga 'Qendra për Studimin e Demokracisë dhe Qeverisjes' për perceptimin publik ndaj drejtësisë dhe korrupsionit bëri të njohur faktin se gjendja e korrupsionit ka mbetur e njëjtë në 12 muajt e fundit, ndërsa mbi 25 për qind e të anketuarve u shprehën se gjendja është përkeqësuar dhe se tani ka më shumë korrupsion se më parë.

Përgjegjësi kryesor për renditjen e Shqipërisë të parën në kontinent për korrupsionin dhe të dytën në botë për ryshfetin është Edi Rama”, ka thënë kreu i PL-së.

Meta i bllokut të zi, ka thënë më tej se sot është jetik dhe vendimtar largimi i tij, si armiku më i egër i lirive dhe të drejtave të shqiptarëve, i shtetit ligjor dhe demokracisë në vend.

Ai u ka bërë ftesë qytetarëve që të marrin pjesë masivisht në protestën e 11 shkurtit.

“Edi Rama është i provuar botërisht se me paratë e korrupsionit ka financuar trafikun e influencës dhe ka shfrytëzuar postin e tij për të mbajtur në mënyrë të paligjshme dhe mafioze pushtetin, duke korruptuar deri edhe një ish-zyrtar të lartë të FBI-së dhe kompromentuar rëndë marrëdhëniet me SHBA-në, që për të kanë qenë gjithmonë marrëdhënie aferash dhe jo vlerash.

Ndaj i ftojmë të gjithë shqiptarët të bashkohen në 11 shkurt, në orën 12:00, në një protestë kombëtare kundër këtij regjimi që sillet ndaj shqiptarëve në mënyrën më çnjerëzore duke i vjedhur ata në mënyrë të pamëshirshme dhe duke i përzënë nga vendi i tyre përmes një agjende antikombëtare shpopullimi.

Opozita do të jetë në këmbë kundër këtij armiku të lirive të tyre deri në largimin përfundimtar të këtij regjimi mafioz dhe të korruptuar në çdo qelizë”, ka thënë Meta./CNA.al





Lajmet e fundit nga