web counter
LEXO PA REKLAMA!

SHKARKO APP

App Store
Google Play

E fundit!

x

“Shkresat i bënim me makinë shkrimi”/ Rama kujton historinë si ministër Kulture në vitin 1998

25 Mars 2025, 14:16, Politikë CNA

“Shkresat i bënim me makinë shkrimi”/ Rama kujton

Kryeministri Edi Rama ishte sot i pranishëm në prezantimin e fituesve të Start-up dhe Startup Grant2024, ku u ndal edhe te ndikimi i ndryshimeve teknologjike në proceset e punës.

Rama kujtoi një episod nga koha kur ishte ministër Kulture, në vitin 1998.

Kryeministri tregoi për gjendjen e kohës në zyrat e ministrive, atëherë kur shkresat punoheshin me shkrim dore dhe shumë herë përpunoheshin me makina shkrimi.

Rama tregoi se i ishte dashur të shkruante një letër për Bankën Gjermane, ku i kërkonte t’i dërgoheshin disa pajisje kompjuterike që mbaheshin në një ekspozitë.

“Më kujtohet kur u bëra ministër Kulture, në 1998 në ministri kishte një zyrë që ishte zyra e daktilografimit ku shkonin shkresat të shkruara me dorë ose thuhej me gojë dhe ishin tre punonjëse që shkruanin në tri makina të lodhura, që te shkronja 'ë', e cila ishte sajuar me forca të brendshme sepse makina origjinale nuk e kishte, makina që bënte 'ë' bënte vrima.

Unë kisha kujtimet të freskëta nga një ekspozitë në Gjermani në një qendër kulture ku kishin ardhur kompjuterë që Deutche Bank i nxirrte jashtë përdorimit dhe ua falte qendrave të kulturës që nuk kishte. Unë i shkrova një letër drejtorit të bankës dhe i thashë që nëse do të ishte mundësia të na jepnin edhe ne disa kompjuterë.

Më pas na kontaktoi Ambasada Gjermane dhe na sollën disa kompjuterë. Në atë kohë ajo letër përfundoi në murin e drejtorit të bankës sepse ishte e paimagjinueshme”, -tha Rama./CNA





Lajmet e fundit nga