web counter
LEXO PA REKLAMA!

SHKARKO APP

App Store
Google Play

“Sistemi shëndetësor ka dështuar”/ Berisha: Rama nuk mbajti premtimin për shëndetësi falas

25 Mars 2025, 12:18, Politikë CNA

“Sistemi shëndetësor ka dështuar”/ Berisha: Rama nuk

Kreu i Partisë Demokratike, Sali Berisha, denoncoi sot gjendjen e shërbimeve të kujdesit shëndetësor në Shqipëri. Berisha u ndal gjatë edhe te problemet me ilaçet.

Në një deklaratë për mediat, nga selia e PD-së, Berisha theksoi se këtë problem po e paguajnë qytetarët shqiptarë.

Berisha deklaroi se Rama erdhi në pushtet me premtimin për shëndetësi falas, që nuk e mbajti.

Kreu i demokratëve denoncoi edhe problematikën me ilaçet, që sipas tij janë të cilësisë më të dobët dhe më të paefektshmet.

Berisha tha se probleme të shumta vihen re në shumë spitale publike.

“Qytetarët paguajnë gjobën më të madhe për kujdesin e tyre shëndetësor.

Ndërkohë që Edi Rama 12 vite më parë erdhi në pushtet me premtimin për shëndetësi falas.

Sot merret me çdo gjë tjetër, veç dështimit madhor në kujdesin shëndetësor.

Sot shqiptarët vdesin 2 herë më shumë se qytetarët e BE-së nga problemet e zemrës.

Vdekshmëria është 3 herë më e lartë se në vendet përrreth.

Shqipëria përballet me një furnizim me ilaçe të cilësisë më të dobët dhe më të paefektshmet.

Ligji për barna si në BE u zëvendësua dhe sot shqiptarët blejnë ilaçe jashtë të gjitha standardeve.

Dëshmi tragjike që kanë ardhur për Spitalin Onkologjik, që është një strehë ku njerëzit vdesin nga mungesa e ilaçeve për mjekim.

Janë lënë jashtë funksionit për 3 vite shumë prej aparaturave.

Jepen ilaçe të papërshtatshme.

Ose ilaçet ndahen në disa pjesë.

Dhe për fat të keq, kjo gjendje është dhe në spitalet e tjera publike”,-tha Berisha./CNA

 

 

 





Lajmet e fundit nga