web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e qeverisë për vizitën në rezidencën e Trump/ Agron Shehaj: Nuk kam dhënë asnjë lekë

24 Mars 2025, 21:52, Politikë CNA

Akuzat e qeverisë për vizitën në rezidencën e Trump/

Kreu i Partisë Mundësia Agron Shehaj ka hedhur poshtë akuzat e qeverisë në lidhje me vizitën e tij në Mar-a-Lago, ku u tha se kishte lobuar miliona për të qenë pjesë e atij takimi.

Ndërkohë Shehaj në një intervistë në Euronews Albania ka deklaruar se kjo nuk është aspak e vërteta dhe se ka qenë i ftuar nga një senator amerikan.

“E vërteta është se unë kam qenë në këtë takim, kam nxjerrë foto pas këtij takimi. U detyrova të nxirrja foto të takimeve që pata. Është e rëndë sesi Rama vërsuli të gjitha mediat sikur unë kam paguar miliona euro për atë takim. Kjo është një shpifje, e cila është e rrezikshme edhe për vetë atë, është si të luash me zjarrin. Në momentin që e thotë për mua, kjo nënkupton se edhe ata që më kanë ftuar mua po i akuzon se kanë marrë para dhe nuk i kanë deklaruar. Kjo është një akuzë shumë e rëndë. Kryeminstri ka menduar se në SHBA mund të sillet si në Shqipëri, ka rrezikuar shumë”, tha ai.

I pyetur nëse vërtet paguar para për të qenë në Mar-a-Lago, Shehaj sqaroi se nuk ka marrë asnjë lekë për të qenë pjesë e atij takimi.

“Nuk kam paguar asnjë lekë. Kjo që ka bërë kryeministri është thjeshtë një shpifje. Pavarësisht se ka një pushtet të jashtëzakonshëm, ai nuk merr dot as një ftesë të thjeshtë, dhe duhet të justifikojë prezencën time që mesa duket kam paguar. Akuza e Edi Ramës është e pavërtetë, kam marrë një ftesë dhe nuk kam paguar asnjë lekë. Për këtë marr përgjegjesi por duhet të mbajë dhe ai për akuza se gjoja kemi të bëjmë me një rast lobimi të fshehtë”, shtoi Agron Shehaj./ CNA





Lajmet e fundit nga