web counter
LEXO PA REKLAMA!

SHKARKO APP

App Store
Google Play

KQZ kërkon të hetohen 16 kandidatë/ Gazetarja zbulon detaje

24 Mars 2025, 21:40, Politikë CNA

KQZ kërkon të hetohen 16 kandidatë/ Gazetarja zbulon detaje

Gazetarja Klodiana Lala ka zbuluar detaje në lidhje me  kandidatët për të cilët KQZ ka kërkuar hetimet nga prokuroria.

Sipas gazetares, janë kryesisht për çështje jo me shumë rëndësi, ndërkohë që pjesa më e madhe e tyre janë nga partitë e vogla dhe me shanse minimale për t'u bërë deputetë.

E ftuar në MCN Tv, gazetarja u shpreh:

"16 kandidatë për të cilët KQZ ka kërkuar nga prokuroria të bëhet hetim i thelluar. Janë të disa partive të vogla, Lapajt, Shabanit, Qorit, Tom Doshit e me rradhë.

Të gjithë i kanë deklaruar rekordet jashtë vendit. 7 prej tyre kanë deklaruar se janë debuar nga një vend i BE-së. Një tjetër rezulton i dënuar per vjedhje dhe ka të tjerë të dënuar me masë administrative. Hetimi zgjat një kohë të gjatë. Ka të tjerë që nuk i prek ligji i dekriminalizimit, siç është gjoba për tejkalim shpejtësie e me rradhë.

Po ta kapësh matematikisht, të gjithë emrat është vështirë të jenë nesër deputetë, sepse janë të panjohur dhe më shumë për të mbushur lista në atë që e quajnë si lista të hapura.

Pra, nuk më shqetëson fakti i këtyre, por që krimi i organizuar ka mbështetur kandidatë që nesër mund të jenë në Kuvend.

Pra vijoj të shkoj te pika zero, që këto të dyja janë problematikat më të mëdha. Se si KQZ apo SPAK do të arrijë të merret me këto kandidatë apo tentativët për të blerë vota, kjo mbetet për t’u parë. Kjo për 16 kandidatët është formalitet", tha Lala./ CNA





Lajmet e fundit nga