web counter
LEXO PA REKLAMA!

SHKARKO APP

App Store
Google Play

“Rama përdhos ata që i përdor më shumë”/ Shehaj: Ata që rrinë në PS dhe nuk u dëgjohet zëri kanë hall

24 Mars 2025, 19:05, Politikë CNA

“Rama përdhos ata që i përdor më shumë”/

Ekspertja e Ekonomisë Brisida Shehaj ka folur sërish për deklaratat e Ramës për FRPD.

E ftuar në emisionin e Sonila Meços, Shehaj tha se Rama e bëri këtë provokim që opozita dhe zërat opozitarë të vërsuleshin ndaj tyre dhe t’i linçonin, por kjo nuk ndodhi.  

“Rama gjithë këtë provokim që e bëri, e bëri pikërisht me idenë, që e gjithë opozita dhe zërat opozitarë do vërsuleshin dhe do të linçonin atë vajzën apo dy-tre individë që ishin atje.

Ndërkohë, kjo nuk ndodhi. Dhe kur e pa që nuk ndodhi, prapë e stimuloi sikur doli ti merrte në mbrojtje dhe sigurisht pati një status shumë dinjitoz nga Besi, që i thoshte: Hej, kujto ata 22 të rinj që nuk u gjenden trupat ende sot, pastaj hajde na fol ne për rininë”, tha Shehaj.

Ndër të tjera, Shehaj theksoi se Rama përdhos ata që i përdor më së shumti.

Ekspertja e Ekonomisë, Brisida Shehaj deklaroi se personat të cilët janë larguar nga PS, apo që qëndrojnë dhe nuk u ndihet zëri i gojës e kanë një hall.

“Ndërkohë, të gjithë duhet të kuptojnë një gjë, Edi Rama nuk e ka për gjë të përdhosë të gjithë ata që i përdor më së shumti. Sidomos ata që i blen. Pra, në momentin që ai të blen, ajo që do të bëjë me ty është që nëse nuk të shtyp dot karakterialisht, do të flakë ose do të përdhosë, do fillojë të bëj një trajtim shumë skandaloz.

Di të them një gjë. Personat të cilët janë larguar nga PS, apo kanë përfunduar aty ku kanë përfunduar dhe rrinë prapë në PS e nuk u ndihet zëri i gojës, janë njerëz që kanë një hall që rrinë ashtu.

Personat që i kanë dalë kundra Ramës, ti e ke parë se çfarë është bërë me zërin tim apo me të tjerë, sesi linçohemi me ofezat nga më ordineret që nuk i bëjnë përshtypje këtij e asnjë njeriu tjetër atje”, tha Shehaj./ CNA





Lajmet e fundit nga