web counter
LEXO PA REKLAMA!

SHKARKO APP

App Store
Google Play

“Tirana po përpihet nga mbeturinat”/ Këlliçi denoncon situatën në kryeqytet

24 Mars 2025, 14:56, Politikë CNA

“Tirana po përpihet nga mbeturinat”/ Këlliçi

Drejtuesi politik i PD-së për Qarkun e Tiranës, Belind Këlliçi, ka denoncuar sot problemin me mbeturinat në rrugët e Tiranës. Këlliçi shprehet se Tirana po përpihet nga mbeturinat.

Këlliçi ka ndarë në rrjetet sociale edhe pamjet ku tregohen mbeturinat e hapura në zonën pranë banesave sociale në Shkozë. Nga fotografitë, duket përhapja e mbetjeve në pjesën më të madhe të trotuarit dhe rrugës.

Këlliçi shprehet se kjo është edhe shprehje e papërgjegjshmërisë së qeverisë, të kësaj qeverie që sipas tij po përbuz qytetarin e saj vazhdimisht.

Këlliç shprehet se me këtë akt tregohet edhe një herë se Bashkia Tiranë ka dështuar në të gjitha aspektet, i ka humbur të gjitha funksionet dhe e ka kthyer kryeqytetin në kaos.

“Tirana përpihet nga mbeturinat!

Nxënësit në shkolla duhet të mësojnë si të ruajnë mjedisin, si ta mbajnë të pastër atë. Ndërsa nxënësit në Tiranë kalojnë mbi plehrat e hapura rrugëve për të shkuar aty ku duhet të mësohet e kundërta, pastaj edhe pasi kryejnë mësimin, sërish kthehen nga e njëjta rrugë, mbi të njëjtën pështirësi kudërmuese të kësaj qeverie të papërgjegjshme, të kësaj qeverie, e cila e përbuz qytetarin e saj vazhdimisht.

Qartësisht, Bashkia Tiranë ka dështuar në të gjitha aspektet, i ka humbur të gjitha funksionet. Gjithçka që ndodh, vetëm sa qëmton të vërtetën e kapitullimit të këtij institucioni inekzistent për qytetarët. Institucion, i cili është shndërruar në një patate të nxehtë e cila hidhet nga një dorë në një dorë tjetër, prandaj Tirana është në kaos”,-shkruan Këlliçi./CNA

 

“Tirana po përpihet nga mbeturinat”/ Këlliçi

 





Lajmet e fundit nga