web counter
LEXO PA REKLAMA!

SHKARKO APP

App Store
Google Play

Takimi i Ramës me sipërmarrësit/ Zhupa: Pa program, me listë mashtrimesh të ricikluara

24 Mars 2025, 11:44, Politikë CNA

Takimi i Ramës me sipërmarrësit/ Zhupa: Pa program, me listë

Deputetja Ina Zhupa ka reaguar pas takimit që kryeministri Rama zhvilloi me sipërmarrësit e rinj në Sarandë. Në një postim në rrjetet sociale, Zhupa shkruan se Rama nuk kishte një program, por një listë takimesh të ricikluara.

Zhupa thotë se nga programi i Partisë Demokratike për turizmin përfitojnë bizneset e vogla dhe të mesme dhe jo turizmi i vilave të oligarkëve. Deputetja e PD-së thotë se partia e saj do të ulë në 2% taksën e shitjes së pronës.

“Rama, i çoroditur në Sarandë, pa program, me listë mashtrimesh të ricikluara. PS ka 14 vjet pushtetin lokal në Sarandë dhe 12 vjet pushtetin qendror, por sipas Ramës investimet si bëri dot se i prishi punë Kodi Zgjedhor që ndalon 4 muaj. Këto gënjeshtra me bisht nuk i beson asnjë, jo më qytetarët e mençur të Sarandës. Partia Demokratike ka planin për turizmin ku përfitojnë qytetarët, ekonomitë familjare, bizneset e vogla dhe të mesme, ku plazhet janë për të gjithë, dhe jo turizmi i vilave të oligarkëve.

Partia Demokratike ndalon vjedhjet strategjike të pronave të banorëve në emër të klientëve të pushtetit, që kanë privatizuar çdo cep të vijës bregdetare. Partia Demokratike vendos taksë të sheshtë 10% mbi kapitalin. Zero taksim mbi profesionet e lira dhe biznesin e vogël.  Ne ulim nga 15% në 2% të taksës së shitjes së pronës. Ne heqim  “Taksën Rama” mbi karburantet. Çdo litër karburant do të kushtojë të paktën 24 lekë më lirë.

Qytetarët e Sarandës do zgjedhin programin që ju mbush xhepat, që ju mbron pronën, që bën Sarandën Madhështore dhe jo gënjeshtrat e ricikluara të kryeministrit në ikje”, shkruan Zhupa./ CNA





Lajmet e fundit nga