web counter
LEXO PA REKLAMA!

SHKARKO APP

App Store
Google Play

“Për Tramin në Vlorë do na duhej Luli”/ Rama vijon talljen: Do e çonte deri në Durrës, por e zuri gjumi

23 Mars 2025, 14:30, Politikë CNA

“Për Tramin në Vlorë do na duhej Luli”/ Rama vijon

Kryeministri Edi Rama, nga Vlora, në një takimin me turoperatorët dhe kryebashkiakët e bregdetit, ka vijuar talljen me Lulzim Bashën.

Pasi është ndalur te kërkesa e një prej operatorëve për të pasur një tramvaj në Vlorë, Rama tha se për këtë duhet Luli në Vlorë duke ironizuar premtimin elektoral të Bashës kur kandidonte për kryetar bashkie në Tiranë.

“Unë e dëgjova me vëmendje se ke dhe Vasilin këtu se dhe Vasili ka shoqatën e tij, të përshëndes. Unë dëgjova me vëmendje. Tani duhet të biem dakord për një gjë, që ju bëni shumë mirë që kërkoni sa më shumë. Për tramin në Vlorë të thashë do të na duhej Luli, ne nuk dimë të bëjmë trame.

Luli ka bërë një tram në Tiranë, i cili siç e kanë parë qytetarët e Tiranës është shumë i suksesshëm, me një shpejtësi marramendëse, kapërcen të gjithë problematikat që krijohen nga trafiku. E kishte planin që ta çonte deri në Durrës, por për shkak se e zuri gjumi e la vetëm në Tiranë.

Kështu që, nuk e di sa mund të bashkëpunohet me të, por shpresoj që mos të arrihet për shkak të tramit që të çohet Vlora në këmbë të thotë duam Lulin kryetar bashkie”, tha Rama.

Replikat në distancë që kanë nisur prej më shumë se një jave, mes kryeministrit Edi Rama dhe Bashës, ky i fundit ka përmendur shpesh ish-zyrtarët socialist që sot janë në burg ose nën hetim ndërsa Rama ka ironizuar Bashën për partinë politike me të cilën do të garojë në zgjdhjet e 11 majit./ CNA





Lajmet e fundit nga