web counter
LEXO PA REKLAMA!

SHKARKO APP

App Store
Google Play

E fundit!

x

“Aq ngjitur sa janë shezllonet në fund të 15-ditëshit del me familje tjetër”/ Rama, ironi për turizmin në Ksamil

24 Mars 2025, 11:05, Politikë CNA

“Aq ngjitur sa janë shezllonet në fund të 15-ditëshit

Kryeministri Edi Rama, në takimin me sipërmarrësit e rinj në Sarandë, ka kritikuar dhe ironizuar shërbimin turistik të Ksamilit. Gjatë fjalës së tij, kryeministri bëri ironi me vendosjen e shezllonëve në ujë në Ksamil, duke thënë se pret që tashmë të vendosen në mes të ujit dhe t’u vendoset çmimi 1000 euro.

Gjithashtu ka bërë dhe batuta për afërsinë që çadrat e plazhit kanë me njëra-tjetrën, për të cilat tha se në fund të pushimeve del me një familje ndryshe nga ajo që shkove.

“Në Ksamil pres shezllone në mes të ujit dhe t’ua vendosin çmimin 1000 euro. Noti të zhvillohet nën ujë me bombola oksigjeni se mbi ujë do bëhet plazhi.

Aq ngjitur sa janë shezllonet në fund 15-ditëshit del me familje tjetër. Të lëmë një gjykatës të bëjë divorcet dhe martesat në kohë reale në Ksamil. Duhet të shohim raportet, sa lindje ka pas 9 muajsh pasi largohen nga Ksamili. I gjithë Ksamili si një krevat i madh”, tha Rama./ CNA

 





Lajmet e fundit nga