web counter
LEXO PA REKLAMA!

SHKARKO APP

App Store
Google Play

E fundit!

x

Takim me sipërmarrësit/ Rama: 500 të parët që aplikojnë për pronë agroturizmi, zero taksa për 10 vite

24 Mars 2025, 10:46, Politikë CNA

Takim me sipërmarrësit/ Rama: 500 të parët që

Kryeministri Edi Rama ka takuar në Sarandë disa sipërmarrës të rinj. Gjatë bashkëbisedimit kryeministri u ndal te Paketa e maleve, për të cilën tha se u referohet të gjitha territoreve të vendit. Rama tha se 500 aplikuesit e parë për të zhvilluar një pronë agroturizmi, për 10 vite nuk do të paguajnë taksa.

“Emri ju krijon një ide të gabuar, edhe pse ligji që ne kemi kaluar me emrin Paketa e maleve u referohet maleve në radhë të parë, por në tërësi është një ligj që u referohet territoreve të brendshme të vendit. Që do të thotë edhe territoreve brenda të gjithë rajonit Sarandë, ku përfshihen, Delvina, Konispoli, Finiqi dhe ku ka një potencial të madh për të investuar. Në ligjin me emrin Paketa e maleve, edhe pse këtu është pak më ndryshe, jo komplet ndryshe, mjafton një dëshmi e miratuar nga Këshilli Bashkiak, sa i përket pronës që mund të mos ketë hipotekën për shkaqe që lidhen me 7501, mjafton ajo dëshmi për të bërë marrëveshjen me shtetin, për të marrë lejen e ndërtimit dhe për të filluar investimin.

Në momentin kur mbaron investimin, prona është e jotja e hipotekuar. 500 të parët që do të futen në aplikim për të zhvilluar një pronë për agroturizëm, për agropërpunim, ose për çfarëdolloj zhvillimi tjetër me natyrë rurale që kërkon një investim, po kryesisht për agroturizëm, do të ketë një periudhë 10-vjeçare pa asnjë taksë. I 501 do paguajë taksë. Për ata që kanë vizion dhe kurajë, Shqipëria është vendi ideal për të investuar se të jep mundësinë që pastaj të fitosh shumë më tepër se çfarë mund të fitosh jashtë dhe duke punuar për të tjerët”, tha Rama./ CNA





Lajmet e fundit nga