web counter
LEXO PA REKLAMA!

SHKARKO APP

App Store
Google Play

Rama inspekton projektet në Sarandë/ Pas pedonales, priten edhe 5 investime të reja

24 Mars 2025, 12:45, Politikë CNA

Rama inspekton projektet në Sarandë/ Pas pedonales, priten edhe 5

Kryeministri Edi Rama, pas përfundimit të takimit me sipërmarrës të rinj në fushën e turizmit, vijoi inspektimet në Sarandë duke parë nga afër ndërhyrjet në disa nga projektet më të rëndësishme të qytetit.

Rama inspektoi pedonalen "Skënderbej", "Qendrën e Pritjes Multifunksionale" me 75 vende parkimi për makina, autobusë, taksi, si dhe rehabilitimin e 'Rrugës 5', ndërhyrjet të cilat synojnë të lehtësojnë trafikun sezonal si dhe rritjen e ofertës turistike në qytet.

Kryeministri Rama përshkoi në këmbë zonën ku po zhvillohen projektet, së bashku me kryetarin e Bashkisë Oltion Çaçi dhe Drejtorin e FShZh Dritan Agolli për t’u njohur me ecurinë e deritanishme të investimeve.

Rama e vlerësoi punën e bërë dhe e quajti si çliruese të hapësirave të qytetit.

“Goxha ambient duket Saranda në këto pjesë që po ndërhyhet. Sikur ka marrë frymë, është çliruar”,-u shpreh Rama.

Rama premtoi se investimet do të vijojnë edhe në “Rrugën 6”, në transformimin e ish-maternitetit, në Muzeun e Botës Nënujore, rindërtimin e Pallatit të Kulturës, si edhe selinë e re të Universitetit të Sarandës./CNA

 





Lajmet e fundit nga