web counter
LEXO PA REKLAMA!

SHKARKO APP

App Store
Google Play

Mediat e korrupsionit i vërsulen Gjykatës Kushtetuese kundër SPAK-ut

24 Mars 2025, 12:09, Politikë CNA

Mediat e korrupsionit i vërsulen Gjykatës Kushtetuese kundër
Një proces pritet të zhvillohet më datë 27 mars në Gjykatën Kushtetuese, totalisht i hapur kundër SPAK-ut, me një qëllim të caktuar: të prishë, pra të dëmtojë SPAK-un dhe institucionet e reja të drejtësisë në GJKKO, për shkak të një vetingu të dytë që kryhet në këtë institucion.


Pra, çdo gjyqtar apo prokuror, pasi kalon në filtrat, proceset e KLP-së apo KLGJ-së, duhet të kalojë në filtrin e fundit, një veting brenda SPAK-ut, ligjore e të miratuara nga të gjitha palët, ku kanë kaluar shumë individë. Ka edhe të tjerë që nuk e kanë kaluar.

 



Disa prej tyre, shërbëtorë të pushtetit, shërbëtorë të ‘Rilindjes’. Tani kanë gjetur një rrugë; të godasin SPAK-un, me shpresën se duke prishur vetingun e këtij institucioni do ta kenë më të lehtë për të shkuar në GJKKO, do ta kenë më të lehtë për të hyrë në SPAK, instrumentet e pushtetit që duan të vënë nën kontroll drejtësinë.

Dhe alarmi është më i madh, sidomos pas arrestimit të Erion Veliajt.

Tani në shërbim të këtyre skenave dhe skenarëve të dirigjuar prej kohësh nga një i burgosur tashmë për korrupsion, me të paktën 9 akuza, kanë filluar t’i vihen në dispozicion mediat, ato media që paguhen nga vëllai i kryebashkiakut të Tiranës që ndodhet në burg, një person nën hetim edhe ky i fundit, Arbër Veliaj, nga mediat e paguara me paratë e korrupsionit të inceneratorëve, nga mediat e paguara nga koncesionet e korrupsionit të qeverisë, të cilat tashmë kërkojnë të intimidojnë ose të ushtrojnë presionin e tyre mbi Gjykatën Kushtetuese për të marrë një vendim pro, për të prishur vetingun e SPAK-ut, që më pas të fusin turinjtë e tyre të pistë, duart e tyre. Dhe me dirigjencën e ‘zdromsave’, në ‘kështjellën’ e krimit mediatik nuk luftojnë pa qëllim.

Janë të qartë në strategji dhe kërkojnë që në fund të kenë nën kontroll sa më shumë gjyqtarë apo prokurorë në GJKKO dhe SPAK, për interesat e korrupsionit të pushtetit, për interesat e korrupsionit të koncesioneve që i paguajnë, për interesat e kompanive që paguajnë reklama, të cilat përdoren më pas për politikë, shantazhe apo sulm në media, për interesa të caktuara, deri edhe kriminale./CNA





Lajmet e fundit nga