web counter
LEXO PA REKLAMA!

SHKARKO APP

App Store
Google Play

E fundit!

x

Mediat e pushtetit nxjerrin lajme nga seanca ndaj Veliajt

12 Mars 2025, 15:30, Politikë CNA

Mediat e pushtetit nxjerrin lajme nga seanca ndaj Veliajt

Mediat e pushtetit kanë nxjerrë "live" detaje nga seanca ndaj kryebashkiakut Erion Veliaj.

Çuditërisht është raportuar në kohë reale seanca e Erion Veliajt duke u bërë publik çdo detaj, çfarë ka ndodhur, çfarë ka thënë kryebashkiaku, çfarë thonë avokatët.

Këto detaje raportohen në të njëjtat media të cilat Erion Veliaj i urdhëronte me telefona si të sulmonin prokurorët etj.

Janë dhe mediat e paguara nga inceneratorët, njerëzit, për të cilët u paraqitën fakte dhe prova në gjykatë.

Si ka mundësi që doli në kohë reale informacioni nga seanca e gjyqit kur seanca ishte me dyer të mbyllura?

Kush i nxjerr informacionet, gjykatësit, prokurorët apo avokatët e Erion Veliajt?

“Por çfarë i ndodhi Saliut?”, ka pyetur Veliaj në sallë, duke thënë se sulmet e Berishës nuk u konsideruan prova të reja.

“Keni sjellë 'prova të reja', kërkoj të sillni kamerat dhe kjo seancë të jetë e hapur për median. Sillni mediat që t’i deklaroj publikisht edhe para tyre përgjimet e kryera ndaj meje. Nuk kam asnjë sekret në bisedat e telefonike me familjarët e mi nga kabina burgut.

Më izoluat 1 muaj në burg që të gjenit prova të reja. Saliu e ofendoi SPAK-un dhe e akuzoi si organizatë kriminale, çfarë e gjeti? Pse nuk u konsideruan prova të reja sulmet e Berishës ndaj SPAK?”, ka thënë Veliaj.

Këto detaje janë zbardhur në kohë reale nga mediat e pushtetit./ CNA





Lajmet e fundit nga