web counter
LEXO PA REKLAMA!

SHKARKO APP

App Store
Google Play

E fundit!

x

Jep dorëheqjen Esmeralda Demiraj/ Reagon PL: Vendosi kusht të ishte kandidate në Fier

12 Mars 2025, 15:25, Politikë CNA

Jep dorëheqjen Esmeralda Demiraj/ Reagon PL: Vendosi kusht të ishte

Njëra prej anëtareve të Partisë së Lirisë, Esmeralda Demiraj, e cila ka mbajtur edhe detyra të tjera në këtë parti, ka njoftuar sot se jep dorëheqjen nga të gjitha angazhimet.

Në një postim në rrjetet sociale, Demiraj shkruan se ka marrë vendimin të heqë dorë nga partia, pjesë e së cilës ka qenë për rreth 14 vite.

“Të nderuar miq, mbështetës dhe simpatizantë që më keni shoqëruar në shumë beteja e sfida elektorale që prej anëtarësimit tim dhe angazhimit të hershëm në ish-LSI dhe Partinë e Lirisë sot,

Ndjej detyrimin moral të ndaj sot me ju vendimmarrjen time për dorëheqjen nga kjo parti, duke hequr dorë nga çdo funksion që kam mbajtur deri më sot, si:

1. Kryetare e Lëvizjes së Gruas për Integrim në Partinë e Lirisë për Shqipërinë,

2. Anëtare e Kryesisë së Partisë së Lirisë dhe e Kryesisë Ekzekutive,

3. Anëtare e Komitetit Drejtues Kombëtar,

4. Nënkryetare e Komisionit të Organizimit të Tiranës,

5. E deleguar politike në Njësinë Administrative Nr. 4, Tiranë, për zgjedhjet e 11 majit 2025.

Gjatë 14 viteve të mia në parti, kam pasur privilegjin të kontribuoj në disa pozita kyçe dhe në fushata të ndryshme elektorale për zgjedhjet parlamentare (kandidate në vitin 2021) dhe zgjedhjet lokale (kandidate në vitin 2023). Angazhimi im ka pasur një qëllim të vetëm: të jem zëri i atyre që besuan tek unë, të përfaqësoj shqetësimet, shpresat dhe nevojat e qytetarëve me përkushtim dhe ndershmëri”,- shkruan ndër të tjera Demiraj.

Pak minuta më vonë, ka ardhur edhe një reagim nga Partia e Lirisë, përmes zëdhënëses Jasmira Memelli.

Sipas PL-së, Esmeralda Demiraj dha dorëheqjen pasi vendos kusht të ishte kandidate për deputete në zgjedhjet e 11 majit. Në reagim, PL lë të nënkuptuar që kërkesa mund të ketë qenë për listën e Fierit, aty ku thotë se në emër të koalicionit “Aleanca për Shqipërinë Madhështore” do të kandidojë në listë të mbyllur, Brunilda Haxhiun, Zv/Sekretare e Përgjithshme./CNA





Lajmet e fundit nga