web counter
LEXO PA REKLAMA!

SHKARKO APP

App Store
Google Play

Fondi nga BE-ja/ Rama: Shenjë që jemi duke ecur me shpejtësi sipas ritmit të përcaktuar

25 Mars 2025, 09:02, Politikë CNA

Fondi nga BE-ja/ Rama: Shenjë që jemi duke ecur me shpejtësi

Kryeministri Edi Rama në rubrikën e tij “Sy m’sy” është ndalur te miratimi i fondeve nga BE-ja për Planin e Rritjes.

Rama tha se dhënia e fondeve që pritet të miratohet sot është shenjë se Shqipëria po ecën sipas ritmit të përcaktuar drejt integrimit në BE.

“Ndërkohë kemi një të re shumë pozitive, deklarata e Komisioneres për Zgjerimin, Marta Kos, që na përgëzon për shpejtësinë e marrjes së financimit në planin e rritjes, pra përmbushje e detyrave sipas kalendarit dhe programit të dakordësuar për ecurinë e mëtejshme të vendit në rrugën e anëtarësimit. Shpejtësia në planin e financimit do të thotë përmbushje e detyrave dhe programit të dakordësuar për ecurinë e mëtejshme të vendit në rrugën e anëtarësimit dhe bëhet fjalë për 64.5 milionë euro që vijnë drejtpërdrejt nga BE për Shqipërinë. 30 mln euro janë për buxhetin e shtetit si mbështetje për reformat e axhendës kombëtare të reformave dhe 34 mln euro kalojnë përmes Fondit të Investimeve të Ballkanit për infrastrukturën. Kështu që besoj se kjo është një shenjë tjetër e faktit që jemi duke ecur me shpejtësi sipas ritmit të përcaktuar”, tha Rama./ CNA





Lajmet e fundit nga