web counter
LEXO PA REKLAMA!

SHKARKO APP

App Store
Google Play

E fundit!

x

“Veprime të paligjshme në Bashkinë e Tiranës”/ Berisha akuzon Ramën dhe Veliajn

25 Mars 2025, 12:32, Politikë CNA

Kreu i Partisë Demokratike, Sali Berisha, akuzoi sot Edi Ramën dhe Erion Veliajn se kanë kryer veprime të paligjshme, sa u takon ndryshimeve të bëra në Bashkinë e Tiranës.

Në një deklaratë për mediat, Berisha tha se këto akte janë publike dhe nuk janë të fshehta për qytetarët.

Berisha theksoi se Rama ka ndërhyrë në mënyrën më brutale në Bashkinë e Tiranës, nga ana tjetër ka vepruar edhe Veliaj, që edhe pse është kryetar, tani ndodhet në qeli.

Berisha shtoi se ligji i ndalon në mënyrë kategorike këto veprime antiligjore.

“Veliaj është kryetar, por është në qeli.

U emërua një zonjë tjetër që u kërcënua nga Edi Rama në mënyrën më jodinjitoze.

Kjo sepse Veliaj i delegoi firmën, si një njeri të besuar.

Këto akte janë publike, nuk janë të fshehta.

Është Edi Rama ai që ka ndërhyrë në mënyrën më brutale në Bashkinë e Tiranës.

Ligji e ndalon në mënyrë kategorike këtë veprim.

Nëse Rama mendon se Bashkia ka kryer një veprim të paligjshëm, mund t’i drejtohej gjykatës.

Veliaj ka përdorur 5 ose 6 miliardë euro.

Dhe ku janë qindarkë për qindarkë?

Të tjerat janë vjedhur”,-tha Berisha./CNA





Lajmet e fundit nga