web counter
LEXO PA REKLAMA!

SHKARKO APP

App Store
Google Play

Shqipëria merr 64.5 milionë euro/ BE miraton fondin për "Planin e Rritjes"

25 Mars 2025, 12:54, Politikë CNA

Shqipëria merr 64.5 milionë euro/ BE miraton fondin për

Bashkimi Europian ka miratuar fondet për Shqipërinë për Planin e Rritjes. Fondet janë në shumën 64.5 milionë euro, nga të cilat 30 milionë janë në mbështetje të reformave dhe 34.5 milionë euro kalojnë përmes Fondit të Investimeve të Ballkanit për infrastrukturën.

Ambasadori i BE në Shqipëri, Silvio Gonzato, tha se Plani i Rritjes ndihmon Shqiëprinë në rrugën e saj drejt anëtarësimit në familjen europiane.

"Bashkimi Europian qëndron në krah të Shqipërisë në rrugën e saj drejt anëtarësimit në BE. Plani i Rritjes e ndihmon Shqipërinë për të arritur këtë qëllim dhe për ta afruar ekonominë shqiptare me atë të Bashkimit Europian përpara se Shqipëria të bëhet anëtare. Ne po e mbështesim Shqipërinë të konsolidojë shtetin e saj të së drejtës, të zhvillojë infrastrukturën e saj, ekonominë e saj të gjelbër, kapitalin e saj njerëzor dhe biznesin e saj privat. Europa është këtu për të mbështetur rritjen e qëndrueshme dhe kohezionin e vetëm të Shqipërisë në BE", tha ambasadori i BE-së, Silvio Gonzato.

 

Kryenegociatorja Majlinda Dhuka tha se parafinancimi nga BE, shihet si një shenjë e qartë besimi nga BE.

Dhuka tha se do të vijohet me reformat dhe përmbushjen e kritereve.

“Ne e vlerësojmë këtë si një shenjë të qartë besimi nga BE-ja në rrugën e reformave të Shqipërisë dhe progresin e qëndrueshëm drejt anëtarësimit në familjen europiane. Ne e kuptojmë plotësisht madhësinë e kësaj mundësie historike, si dhe angazhimet e ardhshme, dhe jemi energjikisht të motivuar dhe të përgatitur për të vazhduar reformimin dhe përmbushjen e zellshme të kritereve për anëtarësimin e Shqipërisë në Bashkimin Europian”, tha kryenegociatorja Majlinda Dhuka./ CNA





Lajmet e fundit nga