web counter
LEXO PA REKLAMA!

SHKARKO APP

App Store
Google Play

E fundit!

x

Shehaj: SPAK është i pavarur dhe po i çon të gjithë para drejtësisë

21 Nëntor 2025, 16:55, Politikë CNA

Shehaj: SPAK është i pavarur dhe po i çon të gjithë

Deputeti dhe kreu i Partisë Mundësia, Agron Shehaj ka reaguar sot lidhur me zhvillimet e fundit që lidhen me Prokurorinë e Posaçme.

Përmes një postimi në rrjetet sociale, Shehaj thekson se SPAK është një strukturë e pavarur dhe po i çon të gjithë para drejtësisë.

Shehaj tha se drejtësisë nuk do i shpëtojë as kryeministri Edi Rama.

“Rama nuk e shkarkoi Ballukun, po e mbron dhe po vrapon te Gjykata Kushtetuese për ta shpëtuar. Por ky moment provon një gjë: SPAK është i pavarur dhe po i çon të gjithë para drejtësisë. Përplasja është finale, Rama nuk i shpëton dot ligjit. Edi Rama vendosi të mos shkarkojë Belinda Ballukun, përkundrazi vendosi ta mbrojë atë. Do përdorë Gjykatën Kushtetuese, ashtu siç bëri edhe me Erion Veliajn. Tani, çfarë kuptojmë nga kjo gjë? Kuptojmë, e para: SPAK është i pavarur. Tani është e qartë për të gjithë. Kjo tregon se SPAK po i heton dhe po i nxjerr para drejtësisë të gjithë, të majtë, të djathtë, të vjetër, të rinj, ata që janë në pushtet dhe ata që nuk janë në pushtet. Tani nuk kanë më gojë të flasim , të thonë që gjoja Edi Rama i përdor kundër opozitës apo kundërshtarëve të vet. Tani Edi Rama ka dalë haptazi kundër SPAK dhe do të shpëtojë veten në fakt, jo vetëm Ballukun. E dyta, kjo është përplasja përfundimtare. Tani nuk ka asnjë shans t’i shpëtojë drejtësisë, sepse janë më dhjetëra kryeministra që janë dënuar dhe kanë bërë burg në vendet e Europës së Lindjes. Dhe prapë nuk kanë mundur t’i shpëtojnë drejtësisë. ”,-shprehet Shehaj./CNA





Lajmet e fundit nga