web counter
LEXO PA REKLAMA!

SHKARKO APP

App Store
Google Play

E fundit!

x

Raporti për 11 majin/ Berisha: Rama ka zgjedhur heshtjen dhe mashtrimin për të mbuluar dështimin e tij në zgjedhje

23 Tetor 2025, 12:55, Politikë CNA

Raporti për 11 majin/ Berisha: Rama ka zgjedhur heshtjen dhe mashtrimin

Kryetari i Partisë Demokratike, Sali Berisha, deklaroi sot se raporti final nga OSBE-ODIHR për zgjedhjet parlamentare fakton edhe një herë qëndrimin e PD-së se më 11 maj u zhvillua një farsë.

Në fjalën e tij gjatë një konference me gazetarët, Berisha tha se më 11 maj shkelën parime nga Konventat Europiane të të Drejtave.

Berisha akuzoi kryeministrin Edi Rama se po hesht dhe mashtron për të mbuluar dështimin e tij në këto zgjedhje.

“Me kënaqësi të madhe u them shqiptarëve se zgjedhjet patën zero efekt. Iu qëndrua fjalë për fjalë konstatimeve që faktojnë një farsë elektorale më 11 maj.

Edi Rama ka zgjedhur heshtjen dhe mashtrimin për të mbuluar dështimin e tij të plotë dhe total në ndryshimin e raportit fatal për zgjedhjet parlamentare të 11 majit të vëzhguesve ndërkombëtarë.

Siç kisha paralajmëruar, siç kisha paraqitur dokumente zyrtare që faktonin ndërhyrjet brutale të qeverisë shqiptare pranë institucioneve të vëzhgimit dhe direkt vëzhguesve ndërkombëtarë për të ndryshuar termat e përdorura në raportin e tyre për zgjedhjet e 11 majit, janë bërë përpjekje, të cilat me kënaqësi të madhe u them shqiptarëve se patën zero efekt.

Është në meritën më të madhe të institucioneve që vëzhguan zgjedhjet, që u qëndruan fjalë për fjalë të gjitha konstatimeve që faktojnë një farsë të vërtetë elektorale më 11 maj.

Raporti përfundimtar mbështet plotësisht tezat e raportit paraprak se në zgjedhjet e 11 majit u shkelën parimet themelore ndërkombëtare të zgjedhjeve, të mishëruara në Kartën e Kopenhagenit, në platformën e Këshillit të Europës për zgjedhjet, në Kodin e Venecias, në dokumentet më serioze ndërkombëtare për zgjedhjet.

Ato faktojnë se Kodi Zgjedhor në nenet e tij për përcaktimin e rregullave të fushatave elektorale u thye 4500 herë me evente të ndaluara gjatë fushatës elektorale.

4500 ngjarje, që po t’i llogarisësh, përbëjnë një shumë prej dhjetëra dhe qindra milionë eurosh, të përdorura këto ngjarje vetëm për të ndikuar votën e qytetarëve shqiptarë gjer ditën e fundit 7 milionë euro për organizatën private të Giro D’Italia.

Bonuse e dhuratë për votën. Falje e gjobave për votë. Janë dhënë 138 licenca për tokë të mbjellë me kanabis. U dhanë 500 milionë euro në kundërshtim me ligjin për të blerë vota. Punësim i përkohshëm dhe terror i punonjësve. Të gjitha mënyrat për manipulimin e qytetarëve për votë”,-tha Berisha./CNA





Lajmet e fundit nga