web counter
LEXO PA REKLAMA!

SHKARKO APP

App Store
Google Play

E fundit!

x

"Vetëm Belshi, Elbasani, Përmeti, Tropoja, Skrapari sollën hartat"/ Rama-kryebashkiakëve: Rrijuni qytetarëve 'pronto'

23 Tetor 2025, 12:49, Politikë CNA

"Vetëm Belshi, Elbasani, Përmeti, Tropoja, Skrapari sollën

Kryeministri Edi Rama, gjatë prezantimit të "Paketës së Maleve", në një takim me kryetarët e bashkive, ka shpjeguar procedurën që do të ndiqet nga qytetarët dhe bashkitë e vendit.

"Juridikisht ishte e pamundur të kapërcehej pjesa ku do merrej miratimi i të tjerëve, u bë me qëllim për të lehtësuar investimin në tokat e të parëve.

Shprehet interesi në bashki, merret pas 45 ditësh nëse toka është e kontestuar, atëherë personi i drejtohet ministrisë dhe merr një kontratë me 1 euro, siç jepet për një tokë publike. Ai e nis investimin dhe deri në momentin kur i del kontrata ka të drejtë shfrytëzimi, e njëjta vlen edhe për fondet e BE-së, i merr direkt me kontratën e shtetit.

Ju duhet të përcaktoni zonat dhe të thoni se doni të hapni rrugën për këtë paketë, përjashtoni zonat e mbrojtura ku ekziston edhe aty mundësia sipas karakteristikave të ligjit përkatës, por aty kalon nga tjetër kanal.

Pse nuk ndodh kjo? Çfarë e pengon dhe njerëzit presin? Pse nuk kemi hartat? Vetëm Belshi, Elbasani, Përmeti, Tropoja, Skrapari kanë sjellë hartat. Bëni menjëherë përcaktimin e zonave dhe përfshini sa më shumë".

Rama kritikoi kryetarin e Bashkisë së Kukësit se nuk ka sjellë hartat dhe ka lënë qytetarët në pritje. Rama tha se duhet t’u qëndrojnë qytetarëve "pronto" dhe të ngrenë një taskforcë informuese.

"Më dëgjon ti kryetari i Bashkisë së Kukësit?

Ti më dëgjon po s’di a më kupton.

Një shtysë ka qenë Kukësi, ka 5 muaj që ke në dispozicion instrumentet dhe ende nuk ke sjellë hartën. Nuk ka asnjë shkencë, hiq qytetin dhe gjithë territori, përveç zonave të mbrojtura, është në këtë hartë.

Ngrini taskforcë që t’u rrinë njerëzve 'pronto', sepse 500 të parët 10 vjet nuk do të kenë taksa, por ndihmojini që të jenë 500 të parët, rrijuni 'pronto'", tha Rama./CNA





Lajmet e fundit nga