E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

“Kemi një parlament skeletik, pa staf”/ Berisha: Rritja e rrogave të deputetëve ishte e gabuar

23 Tetor 2025, 10:54, Politikë CNA

“Kemi një parlament skeletik, pa staf”/ Berisha: Rritja e

Kryetari i Partisë Demokratike, Sali Berisha, deklaroi sot se nga të gjitha ndryshimet e bëra lidhur me kushtet e punës parlamentare, rritja e rrogave të deputetëve ishte e gabuar.

Në fjalën e tij gjatë Programit të Trajnimit të deputetëve të rinj të PD-së, veç mesazheve, Berisha u ndal edhe te disa problematika, ku përmendi edhe mungesën e stafeve për deputetët.

Berisha tha se kjo gjendje e bën parlamentin skeletik dhe se nevojitet dinjitet profesional për përfaqësuesit e rinj të qytetarëve.

“Në këtë kuadër, një organizim, një transformim i madh i punës së parlamentit duhet të bëhet. Ju jeni deputetë me duar në xhepa. Jeni njerëz pa asnjë staf, çka e gjymton punën e parlamentit.

Jeni njerëz pa staf, qoftë për kontaktet e vazhdueshme me zgjedhësit, por jeni njerëz pa staf qoftë për mbështetjen e veprimtarisë suaj në parlament.

Ky është një parlament skeletik ta quajmë. Kur imagjinoj se jepen 220 mijë rroga në administratë dhe këto, dhe sheh parlamentarët pa asnjë ndihmës, ose të paktën të zënë dy-tre së bashku një zyrë... kjo është si ta përthash parlamentin.

Ndaj dhe gjykoj se është i domosdoshëm krijimi i kushteve të parlamentarëve për të përmbushur me dinjitet profesionin e tyre.

Ishte e gabuar, ua them unë ju këtu, rritja e rrogave të deputetëve. Jo se kanë ndonjë rrogë, të themi, stratosferike. Por shumë më e drejtë do të ishte shpenzime edhe më të mëdha për stafe të parlamentit. Për ta bërë parlamentin ai institucion që duhet të jetë”,-tha Berisha./CNA