web counter
LEXO PA REKLAMA!

SHKARKO APP

App Store
Google Play

Ish-deputetja e PD-së pranoi emërimin/ Berisha: Ata që shkelmojnë besimin e demokratëve janë automatikisht jashtë partisë

22 Tetor 2025, 13:17, Politikë CNA

Ish-deputetja e PD-së pranoi emërimin/ Berisha: Ata që

Kryedemokrati Sali Berisha komentoi sot vendimin e ish-deputetes së PD-së Zheni Gjergji, për të pranuar emërimin në detyrën e drejtores së Spitalit të Elbasanit.

I pyetur nga gazetarët gjatë një konference, Berisha u shpreh se një vendim i tillë nuk lidhet me raportin e tij me ish-deputetët, por me votuesit demokratë.

Berisha deklaroi hapur se ata që shkelmojnë besimin dhe mbështetjen e votuesve të PD-së, duke pranuar detyra në qeverisjen e socialistëve, janë automatikisht jashtë kësaj force politike.

“Nuk është ky një raport i këtyre individëve me Sali Berishën. Kemi të bëjmë në raport me ata që i kanë votuar, me ata që i kanë mbështetur.
Një gjë mund të them, për Sali Berishën, të gjithë ata që shkelmojnë mbi atë besim dhe atë mbështetje, janë automatikisht jashtë kësaj force politike.
Sepse 99.9 për qind në mos më shumë, të atyre që i kanë mbështetur këta individë janë të papunë, janë në kushte të vështira, por nuk jepen.
U kanë shërbyer këtyre pak, se janë shumë pak, 3-4 vetë janë gjithsej, kështu që bëjnë një vendim, kalojnë në partinë e krimit, në partinë që i përkasin dhe vetëm kaq.
Pra, ky është komenti jo vetëm për atë, por për të gjithë ata 3-4 janë në Shqipëri, mund të jenë edhe më shumë.”,-tha Berisha./CNA

 





Lajmet e fundit nga