Deputeti i PD-së ngre pikëpyetjen: Pse pasuria e Sokol Sadushit mbahet e fshehtë

21 Tetor 2025, 19:55, Politikë CNA

Deputeti i PD-së ngre pikëpyetjen: Pse pasuria e Sokol Sadushit mbahet

Deputeti i PD-së Gjin Gjoni ka ngritur dyshime në lidhje me pasurinë e Sokol Sadushit e cila sipas tij mbahet ende e fshehtë dhe se nuk ka deklaruar publikisht se ka punuar si prokuror në kohën e diktaturës komuniste.

I ftuar në Task Force, deputeti thekson se në CV-në e tij thotë se, ka punuar ish-prokuror, anëtar i Gjykatës Kushtetuese, lektor, avokat, drejtor i Shkollës së Magjistraturës, por CV e fillon në 1991, dhe nuk e jep atë periudhën para vitit ’90.

Sipas deputetit ish-prokurorët apo ish-hetues të para viteve ’90 nuk duhej të punonin sot në sistem.

Ndërsa sa i përket pasurisë së Sadushit deputeti u shpreh se mbetet ende e fshehtë dhe nuk i jepet askujt, as medias.

“Po t’i referohesh dhe CV-së së Sokol Sadushit në Gjykatën e Lartë, ose tij shallit të pionierit, që për mua që aty nuk mund të ishte kryetar i Gjykatës së Lartë, janë simbole të komunizmit, që një gjyqtar i gjykatës së lartë fillon i manifeston dhe Këshilli i Lartë Gjyqësor as nuk merr mundim ta thërrasë.

Në CV e tij thotë se, kam punuar ish-prokuror, anëtar i Gjykatës Kushtetuese, lektor, avokat, drejtor i Shkollës së Magjistraturës, por CV e fillon në 1991, nuk e jep atë periudhën para vitit ’90. Të tregojë që ka punuar prokuror në filan prokurori.

Mirë apo keq, çdo karrierë ka uljet dhe ngritjet e veta, por e fshehin këtë për të thënë, pasi normalisht ish-prokurorët apo ish-hetues të para viteve ’90 nuk duhej të punonin sot në sistem.

Aq më tepër sot e kësaj dite, pasuria e Sokol Sadushit nuk është bërë publike, dhe nuk i jepet as medias, as gazetarëve dhe askujt tjetër”, tha deputeti Gjin Gjoni./ CNA