web counter
LEXO PA REKLAMA!

SHKARKO APP

App Store
Google Play

Rama për vizitën e Farage në Shqipëri: Kërkoi të vinte ditën e pavarësisë, i thash do dukesh shumë i vogël

21 Tetor 2025, 16:05, Politikë CNA

Rama për vizitën e Farage në Shqipëri: Kërkoi të

Kryeministri Edi Rama ka folur në Londër për emigrimin e paligjshëm të emigrantëve shqiptarë në Britani dhe deklaratat e deputetit britanik, Nigel Farage. Rama tha se vazhdon bashkëpunimi me qeveritë britanike për të luftuar krimin e organizuar dhe trafikimin e emigrantëve.

Ai tregoi më tej se ka biseduar me deputetin britanik për vizitën e tij në Shqipëri, për të cilën tha se pritet të zhvillohet në muajt në vijim. Ndërkohë siç është shprehur dhe më herët, Rama tha se në Shqipëri nuk do të lejohen qendra britanike për pritjen e emigrantëve.

"Kemi bërë një luftë të gjatë me një sërë kryeministrash britanikë. Nisi me Rishi Sunak dhe vazhdon me Keir Starmer. Është lufta me krimin e organizuar dhe rrjeteve të trafikimit. Pra nuk është një operacion është një përballje sistemore me këtë sëmundje të rrjeteve që trafikojnë njerëz.

Kur bëhet fjalë për mikun tim të dashur Nigel. E kam ftuar dhe më kërkoi një datë që përkonte me datën e pavarësisë. Dhe i thash më mirë gjejmë një datë tjetër se do të duhet të përballesh me heroin tonë kombëtar dhe do dukesh shumë i vogël. Kështu që do të vijë.

Mendoj që nuk na takon ne të vendosim se kush do të zgjidhet ose jo në Britani. Por kemi parë se puna e qeverisë është krejt ndryshe nga poezia ne opozitë. Farage nuk është problemi, por është pasqyrë e problemeve, por ka një aftësi teatrale për të qenë tërheqës por problemet qëndrojnë tjetër kund. Kur vjen fjala për këto qendrat të ngjashme, e kam thënë kurrë në Shqipëri.", tha Rama. /CNA





Lajmet e fundit nga