web counter
LEXO PA REKLAMA!

SHKARKO APP

App Store
Google Play

E fundit!

x

Takim me përfaqësues të Shoqërisë Civile/ Manastirliu: Do të zhvillojmë dimensionin social të qytetit

21 Tetor 2025, 13:57, Politikë CNA

Takim me përfaqësues të Shoqërisë Civile/ Manastirliu:

Kandidatja e Partisë Socialiste për kryetare të bashkisë së Tiranës, Ogerta Manastirliu, zhvilloi një diskutim të hapur me përfaqësues të Shoqërisë Civile, për sfidat dhe planin e saj Tirana 2030, në funksion të zhvillimit social të qytetit, duke vënë theksin te roli dhe kontributi i Shoqërisë Civile në të gjitha fushat që prekin këtë zhvillim.


“Ne mundet që të bëjmë hapa përpara sa i përket zhvillimit të dimensionit social, në funksion të zhvillimit social të qytetit, me fokus fëmijët, me fokus të rinjtë, me fokus personat me aftësi të kufizuar, me fokus gratë, vajzat, me fokus punësimin, mbështetjen, dhënien e shanseve të barabarta për çdo qytetar, me fokus komunitetet, të cilët kanë nevojë të përfshihen dhe kanë nevojë të integrohen në jetën sociale të kryeqytetit”, u shpreh Manastirliu.

"Besoj shumë se ajo që ne kemi bërë deri më sot, duhet që të shumëfishohet dhe të bëhet e mundur një dialog afatgjatë edhe në raport me sfidat që lidhen me Tiranën, me kryeqytetin e Shqipërisë, pra me Tiranën tonë, për sfidat që ka sot Tirana dhe mënyrën se si ne mund t'i adresojmë së bashku për të gjetur zgjidhje, të cilat të shkojnë drejtpërdrejt në mbështetje të qytetarëve”, tha ndër të tjera Manastirliu.

Më pas, përfaqësuesit e Shoqërisë Civile parashtruan disa prej problematikave të vlerësuara prej tyre si më emergjente dhe dhanë opinione e sugjerime për zgjidhjen sa më të shpejtë dhe të drejtë të tyre, në dobi të qytetarëve./CNA





Lajmet e fundit nga